Vil du bli tenesteleiar for kultur i Vågå?
- Arbeidsgiver
- VÅGÅ KOMMUNE
- Stillingstittel
- Leder
- Frist
- 01.05.2023
- Ansettelsesform
- Fast
Vi har ledig stilling som tenesteleiar for kultur frå 1. august 2023, og søkjer deg som vil vere med på å vidareutvikle Vågå som kultur- og arrangementsbygd.
Vågå kommune har høge ambisjonar for kulturfeltet, og søker ein tenesteleiar for kultur som engasjerer, motiverer, skapar samhald, og bidreg til gode opplevingar både for kommunens eigne innbyggarar og tilreisande. Tenesteleiar skal bidra til at Vågå opprettheld og vidareutviklar sin posisjon som ein sterk kulturkommune med eit variert tilbod av kulturelle aktivitetar.
Tenesteleiar får ei viktig strategisk rolle og skal ha det overordna ansvar for kultur, idrett og frivilligheit i Vågå kommune. Stillinga skal sikre fagleg kompetanse innan arrangement, omdømme- og identitetsbygging og skal arbeide for å koordinere, vidareutvikle og ta initiativ til kulturtiltak og arrangement som bidreg til et variert og stimulerande kulturliv i kommunen.
Kultureininga har ansvar for saksbehandling av politiske saker innan fagområde kultur, og skal legge til rette for, og følgje opp politiske målsettingar, strategiar og planar i samarbeid med kommunen si øvrige leiing. Vidare har tenesteleiar ansvar for å utarbeide og oppdatere aktuelle planar for kulturfeltet.
Som tenesteleiar for kultur har du ansvar for tenestetilbod, økonomi og personalressursar for kulturkontoret, kulturskulen, bibliotek, kino, kulturhus og hall, frivilligsentralen, folkehelsekoordinator, ungdomskonsulent og ungdomsklubb.
Vi søker etter ein tenesteleiar som
- har god forståing for politiske prosessar og kommunen si rolle som kulturformidlar
- opptrer samlande, tillitsskapande og involverande
- er tydeleg, open, raus og kreativ og med gode samarbeids- og kommunikasjonsevner
- har god avgjerds- og gjennomføringsevne
- er positiv, med evne til å involvere og skape engasjement
- har evne til omstilling og nytenking
- har god skriftleg og munnleg framstillingsevne. Kommunen har nynorsk som administrasjonsspråk
Kvalifikasjonar
- minimum 3-årig relevant høgskuleutdanning, eksempelvis innan kulturleiing, samfunnsfag, administrasjon og/eller økonomi
- leiarutdanning og/eller erfaring
- god kjennskap til og erfaring frå fagområdet kultur
- erfaring med og interesse for kommunikasjonsarbeid
- relevant erfaring med saksbehandling frå offentleg forvaltning og/eller privat verksemd
Relevant praksis og personlege eigenskapar vil bli vektlagt. Tilsetjing skjer på dei vilkår som går fram av gjeldande lover, regelverk og avtaler.
Nærare informasjon om stillinga får du ved å kontakte:
Kommunalsjef Hilde Reitan, tlf. 482 34 101.
Søknad skal sendast på elektronisk søknadsskjema. Vedlegg til søknaden kan sendast som e-post til postmottak i Vågå kommune.
Søknadsfrist: 01.05.2023.
Vågå kommune er oppteke av mangfald og oppmodar kvalifiserte kandidatar til å søkje uavhengig av alder, kjønn, funksjonsevne, etnisitet eller nasjonal bakgrunn.
Vi gjer merksam på at søkjarnamn kan bli offentleggjort sjølv om ein reserverer seg mot det, jf. Off.lova §25. Du vil i tilfelle bli varsla om dette på førehand.
Om arbeidsgiveren
Vågå kommune ligg i Nord- Gudbrandsdalen, midt mellom nasjonalparkane Jotunheimen og Rondane. Kommunesenteret Vågåmo er ein konsentrert og triveleg handelsstad, med eit godt utbygd servicetilbod. Vågå har ca. 3.600 innbyggjarar, eit godt barnehage- og skuletilbod, og med eit allsidig kultur- og fritidstilbod. Vågå kommune ønskjer å framstå som ei kultur- og arrangementsbygd, med eit rikt kulturliv, særs mange aktive lag/foreiningar og mange dyktige arrangørar. Vågå har gjennom ei årrekke bygd opp mykje arrangementskompetanse, både hjå frivillige lag og foreiningar, private aktørar og i eigen regi i kommunen.
- Nettverk
- Sektor
- Offentlig
- Lederkategori
- Leder
- Sted
- Edvard Storms veg 2, 2680 Vågå
- Hjemmekontor
- Delvis hjemmekontor
- Bransje
- Idrett og trening,
- Kunst og kultur
- Stillingsfunksjon
- Arkivar og bibliotekar,
- Kontor og administrasjon,
- Annet
- Arbeidsspråk
- Norsk
Nøkkelord
kultur, idrett, frivilligsentral, folkehelse, bibliotek
Spørsmål om stillingen
- Kontaktperson
- Hilde Reitan
- Stillingstittel
- Kommunalsjef barnehage, utdanning og kultur
- Mobil
- 48 23 41 01
Edvard Storms veg 2, 2680 Vågå