HR-sjef

Er du oppteken av organisasjonsutvikling og vil jobbe strategisk og operativt med HR- og lønstenester?
- Da kan vi love deg spanande og varierte dagar som HR-sjef.

Vi ser no etter ein synleg og fagleg sterk HR-sjef og som får det overordna HR- og lønsfaglege ansvaret i kommunen. Du skal fylle både ei strategisk og ei operativ rolle, og  vere ein pådrivar i vidare organisasjonsutvikling. Som leiar for vår HR- og lønsavdeling vil du jobbe tett på organisasjonen og sørge for at tenestene har rett kvalitet, og at leiarar på alle nivå får rett støtte, rettleiing og utfordring innan HR-området. Du er ansvarleg for gjennomføring av lokal lønsforhandling. Stillinga inngår i kommunedirektøren si leiargruppe og skal bidra aktivt i utvikling av overordna heilskaplege mål og strategiar, rammer, verdiar og kontinuerleg forbetringsarbeid. Kommunedirektøren er næraste overordna. Organisering av stabsfunksjonane er under vurdering, så HR-sjefen sitt ansvarsområde kan bli endra.

For å lykkast i rolla er du tydeleg, trygg, relasjonssterk og med god vurderings-, prioriterings- og gjennomføringsevne. Du meistrar kompleksitet og trivast i ein kommune kor det kontinuerleg skjer endringar, og kor det forventast at du tek ein aktiv rolle i endrings- og utviklingsarbeid. I botn ligg ein ryddig og strukturert arbeidsmetodikk med ein positiv, fleksibel og løysningsorientert haldning. Du tek initiativ, har evne til nytenking, og har ein motiverande og engasjerande leiarstil. Du er robust og med stor arbeidskapasitet.

Vi ser etter deg som har relevant høgare utdanning og med god kompetanse i leiing, økonomistyring og administrativt arbeid. Du har leiarerfaring gjerne frå kommunale eller offentleg sektor, og har erfaring frå HR-relatert og systematisk HMS- arbeid, organisasjonsutvikling, endring og omstilling. I tillegg ser vi etter god kompetanse på partssamarbeid og avtaleverk knytt til dette. Du har kompetanse på digitalisering og ny teknologi og god skriftleg og munnleg framstillingsevne på norsk.

Du identifisere deg med våre verdiar: Kvalitet, Løysingsvilje, Engasjement, Respekt. 

Vi tilbyr tett samarbeid med andre fagleg engasjerte og kompetente medarbeidarar. Du får gode mogligheiter for relevant kompetanseutvikling i eit støttande arbeidsmiljø og intern eller ekstern mentor med individuell coaching.

For nærare informasjon om stillinga kontakt vår rådgjevar i Headvisor, Kirsti Kalseth Sjøhaug, tlf. 977 31 680 eller Giske kommune ved assisterande kommunedirektør, Lene Bjørlo Overå, tlf. 416 16 109. Søknadsfrist er 21. mars 2023, men vi ønskjer gjerne at du viser interesse i god tid før fristens utløp.

Opplysingar om søkjarar kan bli unnateke offentlegheit dersom søkjaren sjølv bed om det jf. offentleglova § 25.  Du må grunngje i søknaden om du ønskjer å reservere deg mot oppføring på offentleg søkjarliste jf. offentleglova § 25.