Vil du vere med på å utvikle eit framtidsretta lokalsamfunn og ein region i utvikling? 

Vi søkjer ein samlande og løysningsorientert toppleiar som kan kombinere eit tydeleg og strategisk leiarskap med handlekraft og evne til å prioritere og gjennomføre. Du er samfunnsengasjert, viser god forståing av samspelet mellom politikk og administrasjon, og kan vise til solid leiarerfaring i ein kompleks organisasjon. Vidare har du relevant høgare utdanning, er sterk på økonomi- og verksemdstyring og har god innsikt i offentleg forvalting. 

I ditt leiarskap har du fokus på heilskapleg styring og forpliktande resultatdialog. Du har ein synleg, inkluderande og motiverande leiarstil og er oppteken av kommunen si rolle som samfunns- og tenesteutviklar. Du evner å samle organisasjonen om felles mål og utfordringar, og vert motivert av å skape resultat med gode løysingar. Vi ynskjer oss ein leiar som speler medarbeidarar gode, kommuniserer godt, og er ein god relasjonsbyggjar. I tillegg er det viktig at du er god å handtere eksponering frå media. Det vert lagt stor vekt på personlege eigenskapar ved tilsetting.

Den nye kommunedirektøren vil spele ei naturleg hovudrolle i å vidareutvikle organisasjonen og gjere kommunen til ein endå betre stad å høyre til for næringsliv og innbyggjarar.

Vi tilbyr storslått natur og eit særprega kystmiljø. Hos oss får du ei utfordrande og spanande leiarstilling i ein organisasjon med høg kompetanse og med gode moglegheiter. Kommunedirektøren vil vere i posisjon til å påverke utviklinga i organisasjonen og i den vakre øy-kommunen vår.

Dersom du vert trigga av moglegheitene og utfordringane vi tilbyr, høyrar vi gjerne ifrå deg! 

For nærare informasjon om stillinga kontakt gjerne ordførar i Giske kommune, Harry Valderhaug, tlf. 913 85 761, eller vår rådgjevar i Headvisor, Kirsti Kalseth Sjøhaug, tlf. 977 31 680. Søknadsfrist er 2. mars 2023, men vi ønskjer gjerne at du viser interesse i god tid før fristens utløp. 

Opplysingar om søkjarar kan bli unnateke offentlegheit dersom søkjaren sjølv bed om det jf. offentleglova § 25.  Du må grunngje i søknaden om du ønskjer å reservere deg mot oppføring på offentleg søkjarliste jf. offentleglova § 25.