Brenn du for utvikling og nettverksbygging? Vi søker avdelingsdirektør for NAV Arbeidslivssenter og NAV Arbeidsrådgiving

Vil du leie og utvikle eit viktig kompetansemiljø i ei nyoppretta stilling som avdelingsdirektør for NAV Arbeidslivssenter og NAV Arbeidsrådgiving Vestland? Vi ser etter deg som blir motivert av samfunnsoppdraget til NAV og som ønsker å utvikle eit helsefremjande arbeidsmiljø med kompetente og trygge medarbeidarar. Du arbeider smidig og er resultatorientert, med evne til å sjå operative og praktiske konsekvensar. Vidare utøver du leiarrolla på ein slik måte at det skaper godt omdømme i møte med brukarar, samarbeidspartar, medarbeidarar og partane i arbeidslivet.

Som avdelingsdirektør vil du leie begge spesialeiningane. Senter for jobbmestring og koordinator-funksjoner ligg og direkte under avdelingsdirektøren.

NAV Arbeidslivssenter Vestland er eit ressurs- og kompetansesenter for eit inkluderande arbeidsliv. Eininga hjelper verksemder med å redusere sjukefråværet, styrke inkluderinga og betre arbeidsmiljøet. NAV Arbeidsrådgiving Vestland er eit ressurs- og kompetansesenter innan fagområda psykologi og pedagogikk. Eininga underviser og rettleiier tilsette ved NAV-kontora og yter individuell bistand til brukarar med ulike utfordringar knytt til arbeidslivet.

Avdelingsdirektøren vil rapportere til fylkesdirektør og inngå i fylkesdirektøren si leiargruppe. Du vil bli ein del av ei engasjert og trygg leiargruppe som er oppteken av å spele kvarandre gode.   

Arbeidsoppgåver

Som avdelingsdirektør får du ansvar for:

• oppfølging av underliggande einingar på avdelinga sitt område
• oppfølging av avtalar med universitet, høgskular og andre forskings- og utdanningsinstitusjonar i heile Vestland
• å utvikle tettare samarbeid med alle helseinstitusjonane i Vestland
• kompetanseutvikling, organisatorisk læring og læringssystem
• å bidra i arbeidet med oppfølging av regionane sine utviklingsavtaler
• gevinstrealisering og forbetringsprosjekt
• å vere ein aktiv bidragsytar inn i fylkesleiinga i NAV Vestland
• å bidra til at fylket er framtidsretta, utviklingsorientert og kan levere tenester av høg kvalitet
• å ivareta medråderett etter hovudavtalen i begge einingar
  

Kvalifikasjonar

Du må ha:

• utdanning frå høgskule eller universitet. Relevant leiarerfaring kan kompensere for kravet til utdanning
• leiarerfaring med personal- og budsjettansvar
• erfaring med endrings- og omstillingsarbeid
• god framstillingsevne, både skriftleg og munnleg
  
  Vi ønsker at du har:
• erfaring innan avdelinga sine ansvars- og arbeidsområde
• erfaring frå strategisk arbeid som leiar
• god kjennskap til arbeids- og velferdspolitikken i Noreg
• kjennskap til offentleg forvaltning
• kunnskap om digitalisering og utvikling av framtidsretta tenester
• evne til å drive organisasjonsutvikling erfaring frå samarbeid med tillitsvalde og verneteneste 

Personlege eigenskapar

Du må ha evne og vilje til å:

• engasjere, skape forståing for mål og resultatkrav og kva som er god kvalitet og service
• tenke analytisk, strategisk og heilskapleg
• vere ryddig, strukturert og proaktiv
• vise handlekraft og god gjennomføringsevne
  

Vi tilbyr

• tilsetting i stillingskode 1060 avdelingsdirektør med lønsspenn frå kr. 765 600 til kr. 935 300 per år. For særleg kvalifiserte søkarar kan høgare løn vurderast
• god pensjons- og forsikringsordning gjennom Statens pensjonskasse (det trekkast 2% frå løna)
• spennande og utfordrande arbeidsoppgåver
• kunnskapsrike kolleger og eit godt arbeidsfellesskap
• gode velferdsordningar
• trening i arbeidstida
• trivelege og sentralt plasserte kontorlokale i Bergen sentrum, saman med tilsette i NAV fylkeskontor Vestland