Er du vår nye medarbeidar?

Vi har for tida ledig ei 100 % fast stilling som sjukepleiar. Som tilsett hos oss vil du ta del i 3-delt turnus med arbeid kvar 3. helg i årsturnus. Det er ynskjeleg at du er fleksibel og kan jobbe ved fleire av avdelingane på sjukeheimen.  Vi er interessert i å gje gode tenester til dei som treng det mest. Vi har spanande oppgåver til både nyutdanna og dei med lang erfaring. Vi søkjer no etter deg som har interesse for å arbeide innan eldreomsorga, som er opptatt av fagutvikling og forbetringsarbeid, og som ynskjer å bidra til at våre bebuarar har eit godt liv her på sjukeheimen.

 Fjaler sjukeheim har totalt 36 plasser fordelt på 3 avdelingar. Av desse er 13 langtidsplassar, 8 plasser på skjerma eining og 15 plasser på korttid/rehabiliteringsavdeling. Tilsynslege er tilknytt sjukeheimen med legevisitt. Vi har og tverrfagleg samarbeid med ergo-/fysioterapitenesta som ligg i same bygg.

Sjukeheimen har eige institusjonskjøkken, som lager mat etter kok/kjøl prinsippet. Vi har eige dagsenter for bebuarane våre, samt for heimebuande som kjem på dagopphald for sosialt samvær, aktivitet og måltid. Dagsenteret er bemanna med eigen aktivitør.

Det er nyleg oppretta ressursgrupper på tvers av einingane i kommunen innan ulike tema som rehabilitering, kreft, velferdsteknologi og demens. Dette for å få ytterlegare kompetanse innan dei ulike fagfelta.

• Delta i det daglege arbeidet og bidra til at oppgåvene blir utført på ein smidig og god måte
• Sikre at det blir utført fagleg forsvarlege tenester til den einskilde brukar
• Medverke aktivt til eit godt arbeidsmiljø i eiga avdeling og til eit godt samarbeid med dei andre einingane
• Jobbe kunnskapsbasert
• Jobbe for auka fagleg utvikling
• Tverrfagleg samarbeid
• Vere ein god rollemodell

• Autorisasjon som sjukepleiar/vernepleiar, gjerne med vidareutdanning innan demensomsorg og geriatri
• Sjukepleiarstudentar som er ferdig innan august 2024 kan og søke på stillinga
• Den som blir tilsett må legge fram politiattest og godkjent MRSA- og tuberkulinattest før tiltreding

• Engasjement for eldreomsorg
• Gode samarbeidsevner
• Sjølvstendig, ansvarsbevisst
• God på kommunikasjon
• Løysingsorientert
• Godt humør
• Fleksibel

Det blir vektlagt om ein er personleg egna for stillinga.

• Introduksjonsprogram for nytilsette
• Fadderordning
• Løn etter utdanning og erfaring
• 20 000,- alltid på topp tillegg
• Gode pensjons- og forsikringsordningar
• Godt arbeidsmiljø med trivelege kollegaer

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.