Avdelingsleiar - Arealplan, byggesak, kart og oppmåling

Vil du bli vår nye avdelingsleiar?

I seksjon samfunnsutvikling, i avdelinga for arealplan, byggesak, kart og oppmåling lyser me ut ei spennande leiarstilling. Me søkjer ein engasjert, løysingsorientert og tydeleg leiar som er god til å samarbeide og motivera tilsette, og som ynskjer ei viktig og spennande rolle i samfunnsutviklinga i Bømlo kommune. 

Avdelinga har ansvar for kommunen sitt arealplanarbeid, bygge- og delingssaksbehandling, eigedomsopplysningar, adressering og matrikkelføring, samt kart og oppmåling.

Arbeidet i avdelinga er prega av stor merksemd og tett kontakt med ulike myndigheiter, næringsliv og innbyggjarar. Me er i dag 13 tilsette med høg fagkompetanse og ulik erfaringsbakgrunn.  

Arbeidsoppgåver

• Som avdelingsleiar har du delegert fullmakt for fag, personal og økonomi i tillegg til overordna ansvar for planarbeid, byggesaker, samt kart og oppmåling.
• Stillinga er tillagt operative oppgåver med overordna saksbehandling på avdelinga. Ein viktig del av arbeidet vil vera utredningsarbeid, arbeid med kommuneplan, gje  generell rådgjeving til publikum og i organisasjonen, samt saksbehandling etter plan- og bygningslova.
• Digitalisering av arbeidsprosessar i avdelinga vil vera ei prioritert oppgåve.
• Avdelingsleiar er og ansvarleg for saker til politisk behandling, samt deltaking i politiske møter i Utval for areal og samferdsel.
• Det er viktig at den som vert tilsett har forståing for grensesnittet mellom politikk og administrasjon. 

Kvalifikasjonar

• Fullført utdanning på bachelor- eller masternivå innafor eit av fagområda. Anna relevant utdanning på same utdanningsnivå kan verta vurdert.
• Relevant arbeidserfaring. Erfaring innan fagområdet byggesak vert tillagt vekt.
• God økonomiforståing. 
• Erfaring frå politisk og offentleg saksbehandling er ein fordel, men opplæring vil bli gitt.
• Leiarerfaring og/eller leiarutdanning er ynskjeleg.
• Interesse for digitalisering.

Personlege eigenskapar

Me ynskjer ein leiar som kan bidra til at me jobbar smartare. Difor ser me etter deg som både kan vera effektiv og nøyaktig i ein hektisk arbeidskvardag.

I tillegg ynskjer me at du har:

• Gjennomføringskraft og er resultatorientert.
• Høg arbeidskapasitet og kan handtera store saksmengder.
• Gode kommunikasjons- og samarbeidsevner.
• Evne til å møte og handtere utfordringar. 
• Evne til å motivera og utvikla medarbeidarane på avdelinga, slik at dei opplev meistring og effektiv oppgåveløysing. 
  

Vi tilbyr

• Stor spennvidde i arbeidsoppgåver i eit tverrfagleg og kompetent fagmiljø.
• Gode høve for fagleg og personleg utvikling.
• Eit inkluderande arbeidsmiljø med trivelege medarbeidarar.
• Fleksibel arbeidstid.
• Gode pensjonsordningar.
• Løn etter avtale.