Avdelingsleiar kirurgisk og ortopedisk avdeling

OM AVDELINGA
Utviklingsplanen Samla plan Nye Voss 2035 skisserer strategiske vegval for Voss sjukehus inn i framtida. Som eit ledd i dette har ein vedteke flat organisasjonsstruktur med nye avdelingar. Kirurgisk og ortopedisk avdeling er nyoppretta og skal handtere både elektiv drift og øyeblikkeleg hjelp, fordelt på sengepost og poliklinisk verksemd innan fleire fagområde. Som avdelingsleiar har du personalansvar for mellom anna sjukepleiarar, helsefagarbeidarar, fysioterapeutar, ergoterapeutar, klinisk ernæringsfysiolog, sosionom og merkantilt personell. I samband med ny struktur bidreg avdelingsleiar i organisasjonsutviklingspross (OU), der avdelinga no er under utforming. I henhald til framdriftsplan for OU er målet at den nye avdelinga er operativ innan 4.juni 2023. 

Me ser etter deg som trivst med utfordrande og varierte arbeidsoppgåver. Avdelingsleiar deltek i leiargruppa ved Voss sjukehus, og direktør er næraste leiar.

OM SJUKEHUSET
Voss sjukehus har akuttberedskap innan indremedisin, kirurgi og ortopedi, føde- og gynekologi. Sjukehuset har høg aktivitet og ynskjer å halde fram den positive utviklinga. Opptaksområdet er på om lag 30.000 innbyggjarar fordelt på seks kommunar. I tillegg kjem det pasientar frå Bergen og kommunar frå Sogn og frå Hardanger. Sjukehuset er del av Helse Bergen, og har tett fagleg samarbeid med avdelingar ved Haukeland universitetssjukehus. Det er rundt 400 tilsette ved Voss sjukehus.

OM VOSS
Voss har flott natur som gjev særs gode høve til naturopplevingar og aktivitetar for born og vaksne innan ei heil mengd ulike idrettar. Ekstremsportsmiljøet er viden kjent gjennom til dømes Ekstremsportsveko. Nord-Europas mest moderne gondolbane er opna i desse dagar og ligg nokre steinkast frå sjukehuset. Kulturlivet er rikt og variert, og det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.

Arbeidsoppgåver

• Samla drift-, personal og økonomiansvar for avdelinga - etter gjeldande fullmakter
• Formulere mål, utvikle og fordele ressursar i samspel med medarbeidarar
• Delta og bidra aktivt i leiargruppa
• Sikre god rekruttering og kompetanseutvikling
• Sikre kvalitet og effektivitet i pasientforløp og arbeidsprosessar
• Legge til rette for prosjekt og forsking
• Legge til rette for god oppgåvefordeling mellom fagprofesjonane
• Legge til rette for eit godt læremiljø for studentar, lærlingar og elevar
• Tilstrebe god samhandling internt og eksternt

Kvalifikasjonar

Ynskje om

• Relevant leiarutdanning
• Leiarerfaring med vekt på strategisk leiing og samhandling 
• Helsefagleg utdanning
• Erfaring med IT-system nytta i helsetenesta 
• Erfaring med kvalitetsforbetringsarbeid  
• Erfaring med endringsprosessar 
• Erfaring frå klinisk verksemd
• Relevant spesialitet, master og/eller PhD-grad

Krav om

• Utdanning på høgskule-/universitetsnivå
• IKT-kompetanse  
• Meistrar norsk munnleg og skriftleg godt  
• Kjennskap til lov- og avtaleverk 

Personlege eigenskapar

Du må

• ha evne til å ta eigarskap til heile leiarrolla og leiaransvaret for eiga avdeling
• vere lojal mot beslutningar i leiargruppa 
• ha god organisasjonsforståing og evne til strategisk tenking 
• ha gode kommunikasjons- og samarbeidsevner og bidra til gode relasjonar i eiga eining, på tvers av faggrupper (team) og nivå i organisasjonen   
• ha evne til å jobbe systematisk og strategisk 
• vere god på beslutning og gjennomføring  
• vere fleksibel i høve oppgåver og strukturert i høve innhald 
• ha evne til å arbeide sjølvstendig og ta initiativ 
• vere resultatorientert 
• vere engasjert, ha evne til å engasjere og involvere tilsette 

Vi tilbyr

• Ein spennande og utfordrande jobb
• Løn etter avtale
• Gode pensjons- og forsikringsordningar
• Eit aktivt og triveleg arbeidsmiljø
• Eit meiningsfylt arbeid som gjev personleg utvikling

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.