Seksjonsleiar Statens barnehus Ålesund

Møre og Romsdal politidistrikt har ledig fast stilling som leiar for Statens barnehus i Ålesund.

Vi søker deg med gode leiareigenskapar som drivast av å skape og leie eit tverrfagleg fagmiljø av høg kvalitet. Ønsker du også å jobbe med eit viktig samfunnsoppdrag, har gode samarbeids- og organisatoriske evner, er medarbeidarorientert og ønsker å motivere, støtte og utvikle medarbeidarane dine, så kan dette vere ei stilling for deg.

I stillinga som leiar for Statens barnehus Ålesund vil du ha personalansvar og fagleg ansvar for tenestene som barnehuset har. Du vil også drive utadretta verksemd retta mot samarbeidspartnarar til barnehuset.

Som barnehusleiar får du delta i nasjonalt arbeid for å utvikle tilbodet i barnehusa. Barnehusa har ein delingskultur og samarbeider tett med kvarandre.

Statens barnehus Ålesund er ein del av Møre og Romsdal politidistrikt, organisert som ein seksjon underlagt Felles eining for etterretning, førebygging og etterforsking (FEFE). Barnehuset er eit tilbod til barn og ungdom som kan ha vore utsett for, eller vore vitne til vald eller seksuelle overgrep, der det ligg føre ei politimelding. Tilbodet er også til vaksne med psykisk utviklingshemming og for ungdom under 18 år som har vore utsette for tvangsekteskap. Tanken bak Statens barnehus er at alle offentlege instansar skal kome dit barna er. Mange ulike samarbeidspartnarar samlast derfor her. Personalet ved barnehuset er sivilt tilsette med i hovudsak barnefagleg spisskompetanse, i alt 11 stillingar.

Stillinga har arbeidsstad i Ålesund. Du må pårekne noko reiseverksemd.    

Arbeidsoppgåver

• Fag- og personalansvar for seksjon for Statens Barnehus Ålesund
• Delvis økonomiansvar ved seksjonen
• Koordinere og samarbeide med andre verksemder i heile regionen og nasjonalt
• Fremme barnehuset som samordnande idé
• Representere barnehuset utad og innad i eigen organisasjon
• Bidra til oppfølging av arbeid med helse, miljø og tryggleik ved seksjonen
• Delta i leiargruppa i FEFE, bidra aktivt til heilskapleg og framtidsretta leiing og utvikling av politiet sitt oppdrag.
• Delta i nasjonal leiargruppe for Statens barnehus, bidra til utvikling av eit likt nasjonalt tilbod i Statens Barnehus
  

Kvalifikasjonar

Nødvendig:

• Høgskule/universitetsutdanning på minimum bachelornivå innanfor helse- og sosialfag, eller andre relevante fag
• Erfaring med personalleiing og/eller fagleiing med gode resultat
• Relevant arbeidserfaring frå minst eit av følgande fagfelt: Psykisk helsevern for barn og unge, familievern, førebyggande helsearbeid blant barn og unge, barnevern, politi.
• Erfaring med å leie tverrfagleg samhandling
  
• Kunnskapar om helse, miljø og tryggleik
• God munnleg og skriftleg framstillingsevne på norsk, samt gode engelskkunnskapar.
• Plettfri vandel og vere skikka for teneste i politiet. Politiattest (uttømmande og utvida) må hentast inn ved evt. tilsetting, jf. politiloven § 18 og politiregisterloven § 41

Ønskeleg:

• Leiarutdanning
  
• Erfaring med målgruppa samt kompetanse innan vold og seksuelle overgrep
• Erfaring frå fleirkulturelt arbeid
• Erfaring frå arbeid med barn eller voksne med psykisk utviklingshemming

Personlege eigenskapar

• Tydeleg og medarbeidarorientert med evne til å rettleie, motivere, støtte og utvikle medarbeidarane.
• Evne og vilje til å leie og skape eit tverrfagleg fagmiljø samt bidra til fagutvikling innanfor feltet
• Gode samarbeids- og organisatoriske evner
• Gode kommunikasjonseigenskapar
• Sjølvstendig, løysingsorientert og initiativrik
• Evne til å prioritere, vurdere, ta avgjerder, og til heilskapleg tenking.
• God evne til å jobbe strukturert, systematisk, målretta og etterretteleg.

Som medarbeider i politiet kjenneteiknast du av å vere modig og heilskapsorientert, du viser respekt og er tett på. Som leiar må du i tillegg kunne leie i samsvar med medarbeiderplattformen vår.

Vi tilbyr

• Ein utfordrende og spennande arbeidsplass med eit viktig samfunnsoppdrag
• Stillinga er lønna som seksjonssjef, stillingskode 1211, frå kr. 720 000 til kr. 760 000 brutto per år 
• Endeleg plassering av løn er avhengig av erfaring, kvalifikasjonar og ansiennitet.
• Medlemskap i Statens pensjonskasse, med mellom anna gode pensjons- og forsikringsordningar (www.spk.no). Det trekkast to prosent av løna til SPK.
• Fleksibel arbeidstid og mogelegheit til trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.