Avdelingsleiar innan fagområda plan, byggesak, kart og oppmåling
- Arbeidsgiver
- Bømlo kommune
- Stillingstittel
- Avdelingsleiar
- Frist
- 31.12.2022
- Ansettelsesform
- Fast
Vil du bli vår nye avdelingsleiar?
Seksjon samfunnsutvikling i Bømlo kommune har oppgåver innan utvikling, myndigheitsutøving og tenesteyting på områda naturforvaltning, planlegging, byggesak, kart og oppmåling, klima og miljø, eigedomsforvaltning og teknisk drift.
I vår avdeling for plan, byggesak, kart og oppmåling lyser me ut ei spanande leiarstilling. Me er i dag 13 tilsette med høg fagkompetanse og ulik erfaringsbakgrunn.
Arbeidet i avdelinga er prega av stor merksemd og tett kontakt med ulike myndigheiter, næringsliv og innbyggjarar. Kommunen har omtrent 400 byggesaker i året og mange reguleringsplanar. Kvalitet i saksbehandlinga og dialog med våre kundar har difor høg prioritet.
Me søkjer ein engasjert, løysingsorientert og tydeleg leiar som er god til å samarbeide og motivera tilsette, og som ynskjer ei viktig og spanande rolle i samfunnsutviklinga i Bømlo kommune.
I tillegg til å leia avdelinga inneber stillinga arealplanlegging på overordna nivå. Det er viktig at den som vert tilsett har forståing for grensesnittet mellom politikk og administrasjon.
Arbeidsoppgåver
Avdelinga har ansvar for kommunen sitt arealplanarbeid, bygge- og delingssaksbehandling, eigedomsopplysningar, adressering og matrikkelføring, samt kart og oppmåling.
- Som avdelingsleiar har du delegert fullmakt for fag, personal og økonomi i tillegg til overordna ansvar for planarbeid, byggesaker, samt kart og oppmåling.
- Stillinga er tillagt operative oppgåver med overordna saksbehandling på avdelinga. Ein viktig del av arbeidet vil vera utredningsarbeid, arbeid med kommuneplan, gje generell rådgjeving til publikum og i organisasjonen, samt saksbehandling etter plan- og bygningslova.
- Digitalisering av arbeidsprosessar i avdelinga vil vera ei prioritert oppgåve.
- Avdelingsleiar er og ansvarleg for saker til politisk behandling, samt deltaking i politiske møter i Utval for areal og samferdsel.
Kvalifikasjonar
- Fullført utdanning ved høgskule/universitet innanfor eitt eller fleire av fagområda. Anna relevant utdanning kan verta vurdert.
- Minimum 5 års relevant arbeidserfaring; erfaring med planarbeid og erfaring innan fagområda byggesak, eller relevant juridisk bistand vert tillagt vekt.
- Kunnskap om og erfaring frå politisk og offentleg saksbehandling.
- God økonomiforståing.
- Leiarerfaring og/eller leiarutdanning er ynskjeleg.
- Interesse for digitalisering.
Personlege eigenskapar
Me ynskjer ein leiar som kan bidra til at me jobbar smartare. Difor ser me etter deg som både kan vera effektiv og nøyaktig i ein hektisk arbeidskvardag. Det er og avgjerande at du kan møte og handtere utfordringar.
I tillegg ynskjer me at du har:
- Gjennomføringskraft og er resultatorientert.
- Høg arbeidskapasitet og kan handtera store saksmengder.
- Gode kommunikasjons- og samarbeidsevner.
- Evne til å motivera og utvikla medarbeidarane på avdelinga, slik at dei opplev meistring og effektiv oppgåveløysing.
Vi tilbyr
- Stor spennvidde i arbeidsoppgåver i eit tverrfagleg og kompetent fagmiljø.
- Gode høve for fagleg og personleg utvikling.
- Eit inkluderande arbeidsmiljø med trivelege medarbeidarar.
- Fleksibel arbeidstid.
- Gode pensjonsordningar.
- Løn etter avtale.
Om arbeidsgiveren
Berekraftige Bømlo er vår visjon!
Bømlo kommune har 12 000 innbyggjarar og ligg plassert mellom Stavanger og Bergen, i regionen Sunnhordland. Me har eit aktivt næringsliv, med stort fokus på utvikling av grøn teknologi. Eit godt kulturtilbod saman med eit yrande lag- og organisasjonsliv gjer Bømlo til ein god plass å bu.
Kommunen med sine 1000 tilsette, er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Dei tilsette er vår viktigaste ressurs og me ynskjer oss rause, modige og engasjerte medarbeidarar.
Pensjon
I denne stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ein utbetaling som vare frå den dagen du sluttar i jobb og livet ut. Pensjon inkludera og uføre- og etterlatnepensjon dersom noko uventa skulle skje. Med pensjonsrett i Bømlo kommune får du medlemspris og gunstige vilkår på ei rekkje bank, forsikring og spareprodukt.
Forsikring
Bømlo kommune har gode forsikringsordningar for tilsette. Ordninga omfattar forsikring knytt til yrkesskade, ulykke og fritid.
- Sektor
- Offentlig
- Lederkategori
- Leder
- Sted
- Leirdalen 1, 5430 Bremnes
- Bransje
- Offentlig administrasjon
Nøkkelord
Ledelse,, offentleg, administrasjon,, økonomi,, saksbehandling
Spørsmål om stillingen
- Kontaktperson
- Tone Stavland
- Stillingstittel
- Kommunalsjef samfunnsutvikling
- Telefon
- 90 69 97 14
Leirdalen 1, 5430 Bremnes