HR-direktør med strategisk rolle for heile Havilagruppa

Havila Service søkjer ein HR-leiar som kan gå inn i ei strategisk rolle for heile Havilagruppa. Du blir viktig for utvikling av HR-strategi og handlingsplanar og du skal vere pådrivar for organisasjons- og leiarutvikling.

Havila Service er eit selskap som leverer tenester til fleire selskap i Havilagruppa innan område som løn, mannskaptenester, regnskap, IT, berekraft og innkjøp.

No utvidar vi til også levere tenester innan HR, og søkjer difor etter ein HR-direktør som kan kombinere ein hektisk kvardag og profesjonalitet samtidig som du har stor entusiasme og arbeidsglede.

Ansvarsområde og arbeidsoppgaver

• Vere ein viktig bidragsytar for HR-strategi, målsettingar og handlingsplanar og utøve desse på tvers av selskap i Havilagruppa
• Vere pådrivar for leiarutvikling, organisasjonsutvikling og kulturbygging
• Sikre god kompetanse og effektiv organisering gjennom prosessar, rutinar, planar og system.
• Ha overordna ansvar for at gjeldande lov og avtaleverk vert følgd
• Sørge for langsiktig rekrutteringsarbeid og samarbeidet mellom skule/næringsliv
• Koordinere rekruttering og HR-arbeid i tett samarbeid med selskapsleiarar og avdelingsleiarar
• Gi leiarstøtte i personalarbeid og HR-relaterte spørsmål
• Drive kompetansebygging
• Oppdatere rutinar og stilingsinstruksar for kontortilsette
• Vidareutvikle system og prosessar innan HR

Kvalifikasjonar

• Relevant utdanning på masternivå
• Seniorleiarerfaring frå HR
• Gode kommunikasjons og samhandlingsevner
• God kjennskap til relevante lov- og avtaleverk og ulike tariffområde.
• Kunne bruke engelsk som arbeidsspråk både munnleg og skriftleg
• Sterk systemkompetanse

Personlege eigenskapar

• Evne til å utøve ein tydeleg leiarskap
• Vere resultatorientert og ha god gjennomføringsevne
• Vere sosial og omgjengeleg og ha gode samarbeidsevner
• Evne til å involvere, motivere og utfordre medarbeidarar
• Evne til å skape gode relasjonar på alle nivå i organisasjonen

Havilagruppa er i stadig utvikling og vi tilbyr ei attraktiv stilling med ei sentral rolle i konsernet sin HR-strategi framover.

Vi tilbyr ein trygg og solid arbeidsplass i eit triveleg arbeidsmiljø og eit konsern med gode framtidsutsikter. Arbeidsstad er på Havilahuset i Fosnavåg Næringspark, Mjølstadneset.

Konkurransedyktige lønsvilkår og gode pensjons- og forsikringsordningar.

Stillinga rapporterer til dagleg leiar i Havila Service AS, Hallvard Pettersen.

Har du spørsmål om stillinga, ta kontakt på telefon 992 65 442

All kontakt om stillinga vert behandla konfidensielt.

Søk innan 31. desember 2022.