Vil du vere med å bygge ein av landets mest spennande og utvilkingsorienterte kommunar?
- Arbeidsgiver
- Øygarden kommune - Byggesak, tilsyn og miljøforvaltning
- Stillingstittel
- Vil du vere med å bygge ein av landets mest spennande og utvilkingsorienterte kommunar?
- Frist
- 11.12.2022
- Ansettelsesform
- Fast
Om du har leiarerfaring og trivst i eit miljø med høge forventningar, spennande arbeidsoppgåver og i eit samfunn i stor utvikling, er kanskje dette stillinga for deg. Øygarden kommune har høg aktivitet innanfor området byggesak, tilsyn og miljø. I tillegg til dei ordinære bygge- og tilsynssakene har kommunen ei viktig rolle i dei store samfunnsdrivarane som nytt Sotrasamband, ny godshamn på Ågotnes, Northern Lights (Karbonfangs og lagringsanlegg) og industriverksemd som følgje av dette i Energiparken nord i kommunen.
Eininga Byggesak, tilsyn og miljø er ei av 5 einingar organisert under kommunalsjefområdet Kultur og samfunn. Desse er plan, geodata og oppmåling, byggesak, tilsyn og miljøforvaltning, eigedom- drift- og vedlikehald, reinhald og kultur. Vi har kontor i kommunehuset på Straume, 15 min frå Bergen sentrum.
Eininga har ansvar for tenesteproduksjon og oppgåver innan området. Det er 27 årsverk knytt til eininga.
Vi ser etter ein trygg og tydleg leiar som kan vera ein pådrivar for samordning og utvikling av tenesteområdet.
Arbeidsoppgåver
- Medverka til organisasjonsbygging, fag- og kompetanseutvikling
- Initiere og delta i skapande samarbeid og god dialog med eksterne samarbeidspartar
- Vere pådrivar for gode rutinar og systemretta arbeid og effektiv tenesteyting ved bruk av teknologi og digitalisering
- Personal- og økonomiansvar
- Delta i kommunalsjefen si leiargruppe
- Andre oppgåver kan bli lagt til stillinga
Kvalifikasjonar
- Relevant utdanning på høgskule eller universitetsnivå
- God og oppdatert kunnskap om plan- og bygningslova
- Arbeidserfaring innan fagområdet
- Leiarerfaring
- God økonomi- og budsjettforståing
Lang og relevant erfaring kan kompensere for manglande utdanning
Personlege eigenskapar
- Evne til å byggje relasjonar gjennom involvering og medverknad
- Uttrykke tydelege forventningar, gje støtte, utvikle og inspirere medarbeidarar
- Evne til å arbeide målretta og systematisk
- Handtere høgt arbeidspress og ha evne til å prioritere og delegere
- Utviklingsorientert og nysgjerrig på nye arbeidsmåtar
- Gode samarbeids- og kommunikasjonsevner
- Ha fokus på brukarar og service
- Fleksibel, kreativ og løysingsorientert
- Initiativrik og sjølvstendig
Vi tilbyr
- Gode pensjons- og forsikringsordningar
- IA verksemd
- Motiverte og kunnskapsrike kollegaer
- Interessante utfordringar
- Høve til fagleg og personleg utvikling
Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA- verksemd ønskjer kommunen å leggja til rette for arbeidsforholda dersom du har behov for det.
Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bedeom ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.
Om arbeidsgiveren
Øygarden kommune er den nest største kommunen i Vestland fylke med omlag 38 500 innbyggjarar og 2 500 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.
Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Administrasjonsspråket er nynorsk. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.
- Sektor
- Offentlig
- Lederkategori
- Leder
- Sted
- Øygarden rådhus, Foldnesvegen 1, 5354 Straume
- Bransje
- Offentlig administrasjon
- Stillingsfunksjon
- Ledelse
Spørsmål om stillingen
- Kontaktperson
- Silje Aileen Hjortland Haukedal
- Telefon
- 55 09 73 49
Øygarden rådhus, Foldnesvegen 1, 5354 Straume