Avdelingsleiar for laboratoriemedisin
- Arbeidsgiver
- Helse Fonna HF
- Stillingstittel
- Avdelingsleiar laboratoriemedisin
- Frist
- 02.10.2022
- Ansettelsesform
- Fast
Vi har ledig stilling som avdelingsleiar ved Avdeling for laboratoriemedisin i Helse Fonna.
Ansvarsområdet til avdelingsleiaren er å sikre drift av laboratorietenestene i Helse Fonna. Stillinga inneber heilskapleg resultatansvar for fag, kvalitet, drift, personell, økonomi og samarbeid, på nivå 3. Stillinga har ansvar for all laboratoriedrift i Helse Fonna på våre sjukehus på Stord, Odda og Haugesund. Avdelingsleiar rapporterer til klinikkdirektør og inngår i leiargruppa i klinikken.
Helse Fonna er i ein prosess knytt til utbygging av Haugesund sjukehus. Helse Fonna har bygd ut ei ny sykehusblokk som var ferdig i 2021 og Avdeling for laboratoriemedisin har flytta inn i nye lokalar med oppdatert maskinpark. Vi ønskjer ein leiar som kan bidra til å vidareutvikle avdelinga i pågåande endringsprosessar. Vi søkjer difor ein initiativrik leiar, som evner å bygge gode relasjonar og samspel på tvers av faglege og organisatoriske grenser. Du må ha evne til å skape entusiasme som bidrar til å vidareutvikle ein forbetringskultur som motiverer til kontinuerlig og systematisk kvalitetsforbetring, nytenking, endring og omstilling.
Arbeidsoppgåver
- Avdelingsleiar har det overordna ansvaret for personell, økonomi og fagutvikling i avdelinga
- Sjølvstendig ansvar for leiing av avdelinga si leiargruppe
- Vidareutvikle samarbeidsrelasjonar, både internt og eksternt
- Ivareta vårt miljø- og samfunnsansvar
- Kontinuerleg og systematisk kvalitetsforbetring og vidareutvikling av forbetringskultur
- Planlegge og legge til rette for at avdelinga blir drifta fagleg godt og effektivt
Kvalifikasjonar
- Leiarutdanning (leiarerfaring med personalansvar kan kompensere for manglande utdanning)
- Relevant utdanning innanfor fagområdet laboratoriemedisin
- Erfaring frå tverrfagleg samarbeid og god organisasjonsforståing
- Erfaring med økonomistyring
- Må ha grunnleggjande IKT-kompetanse
- Ønskjeleg med erfaring i samband med leiing av endringsprosessar
Personlege eigenskapar
- Resultatorientert leiar med ein innovativ, open og løysingsorientert haldning
- Vi ønskjer at du har god rolleforståing
- Høg grad av lojalitet, kvalitetsbevisst og etterretteleg
- Høg arbeidskapasitet og evne til å vere fleksibel og omstillingsdyktig
- Du liker å leie og bygge team
- Du kommuniserer på ein tydeleg, presis og strukturert måte, munnleg og skriftleg
Personlege eigenskapar som er naudsynte for stillinga blir vektlagt.
Vi tilbyr
- Lønn etter avtale
- Gode moglegheiter for å utvikla seg som leiar
- Gode pensjons- og forsikringsordningar
- Eit aktivt og triveleg arbeidsmiljø
- Ein viktig og interessant jobb i norsk helsevesen
- Ein arbeidsplass som er ei inkluderande arbeidslivsbedrift (IA-bedrift)
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Helse Fonna har rundt 4000 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.
Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar.
For å bli betre kjend med oss, kan du sjå www.helse-fonna.no. Følg oss også gjerne på Facebook.
- Sektor
- Offentlig
- Lederkategori
- Leder
- Sted
- Karmsundgata 120, 5528 Haugesund
- Bransje
- Helse og omsorg
- Stillingsfunksjon
- Ledelse
Nøkkelord
Laboratorie;, laboratoriemedisin
Spørsmål om stillingen
- Kontaktperson
- Sverre Kolbeinsen Lien
- Stillingstittel
- Direktør
- Telefon
- 95 96 25 53
- Kontaktperson
- Dag Kjetil Larsen
- Stillingstittel
- Administrasjonssekretær
- Telefon
- 52 73 22 04
Karmsundgata 120, 5528 Haugesund