Seksjonsleiar for IKT-gruppa ved MBF

Vi lyser no ut ei fast 100% stilling som seksjonsleiar for IKT-gruppa ved Avdeling for medisinsk biokjemi og farmakologi (MBF). Stillinga har personalansvar for fortida 3, snart 4, IKT-medarbeidarar og inneber mellom anna IKT hjelp og rettleiing til alle seksjonane i MBF i tillegg til andre avdelingar i LK. Samarbeid på tvers av avdelingane i Laboratorieklinikken, mot kliniske avdelingar i Helse Bergen og regionalt samarbeid i Helse Vest er viktig for den vidare utviklinga. Stillinga inngår i driftsoppgåvene tilknytta seksjonen. 

MBF er ein av i alt åtte einingar som er organisert under Laboratorieklinikken i Helse Bergen, og har om lag 350 tilsette. Avdelinga har 12 analytiske og 4 ikkje-analytiske seksjonar, tre legegrupper (seksjon for medisinsk biokjemi, Hormonlaboratoriet og seksjon for klinisk farmakologi), i tillegg til NAPOS, NOKLUS Vest, RELIS og Norsk Kvalitetsregister for fedmekirurgi. Det blir utført analysar innan fagområda medisinsk biokjemi og klinisk farmakologi, og avdelinga har moderne analyseinstrument. I tillegg til omfattande rutinedrift blir det drive forsking og utvikling. Laboratoriet er akkreditert etter ISO standard 15189.

Laboratorieinformasjonssystemet, Unilab700 blir nytta av alle laboratorieavdelingene i Helse Bergen og delvis av dei andre laboratoria i Helse Vest. Systemet skal i løpet av det neste året tas fullt ut i bruk av alle laboratoria i Helse Vest. Systemet har mange integrasjonar mot diverse analyseinstrument og ulike andre IKT-system.

Dersom du ønsker å bidra til ein forbetra pasientkvardag og halde fokus på kvalitet og utvikling av nye metodar og system, oppmodar vi deg til å søke.

Arbeidsoppgåver

• Ansvar for måloppfølging, fag, kvalitet og personal
• Vedlikehald av og deltaking i utvikling av laboratorieinformasjonssystemet (Unilab700). Herunder er testing av nye versjonar, integrasjonar, generere rapportar, oppdatere systemdata ved endring i ulike system i tillegg til utarbeiding av dokumentasjon og prosedyrar
• Ansvar for å bidra med heilhetleg og strategisk tenking og vere ein aktiv bidragsytar i arbeidet med å vidareutvikle IKT arbeidet iht. vedtatte mål og strategiar
• Ansvarleg for implementering og integrasjonar av tekniske instrument, mellomvare og anna driftsutstyr
• Rådgjevande vedrørande IKT-løysingar ved innkjøp av nytt utstyr
• Ansvar for drift og vedlikehald av IKT-system ved avdelinga
• Oppgraderingsansvar og opplæringsansvar av IKT-system
• Arbeid i tverrfaglege prosjekt
• Kliniske IKT-prosjekt som har grenseflate mot laboratorieinformasjonssystemet
• Vere med på å utvikle og forbetre avdelinga sitt arbeid med kvalitet
• Andre arbeidsoppgåver kan og vere aktuelle
• Blodprøvetaking kan vere aktuelt

Kvalifikasjonar

• Erfaring og/eller utdanning innan IKT-fag og norsk autorisasjon som bioingeniør (bachelor) er den beste kombinasjonen. Alternativt IKT-utdanning med relevant erfaring, og med det føreset at søkar er villig til å opparbeide kompetanse innanfor laboratoriedrift
• Stillinga krev erfaring frå tilsvarande oppgåver innanfor innføring av IKT-system og erfaring frå utvikling av rutinar og prosedyrar
• Det er ønske om at du har erfaring innan support og dialog mot systemleverandør og IKT ansvarleg i innkjøp av medisinteknisk utstyr
• Det er ein fordel med dokumentert leiarkompetanse og/eller leiarerfaring
• Generelt god datakunnskap
• Må meistre godt norsk og engelsk, munnleg og skriftleg

Personlege eigenskapar

• Bidrar positivt til eit fagleg og kollegialt godt miljø
• God fagleg vurderingsevne, arbeider målretta og strukturert
• Evne til raskt å sette seg inn i nye saksområde
• Punktleg og påliteleg, tilpassar deg lett, og er løysingsorientert
• Interesse for utvikling og forbetringsarbeid
• Tar personleg ansvar for at oppgåver blir gjort, tilbyr gjerne hjelp og deler raust med kompetansen din
• Fleksibel, utadvendt og serviceinnstilt med gode kommunikasjonsevner
• Evne til sjølvstende og teamarbeid
• Må tole høgt arbeidstempo i periodar og pressete situasjonar
• Det vil bli lagt vekt på leiareigenskapar, sjølvstende, fleksibilitet, evne til samarbeid, systematisk arbeid og kommunikasjon

Vi tilbyr

• Lønn etter avtale
• Høgt fagleg nivå
• Eit engasjert og godt arbeidsmiljø med kompetente og stolte medarbeidarar
• Stillinga er ei dagstilling
• Gode pensjons- og forsikringsordningar

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.