Barnehagelærar

Vinterdalen barnehage er ein personalbarnehage for tilsette i Helse Bergen HF. Barnehagen har ca 50 barn i alderen 1-6 år og ligg idyllisk til like ved Sandviken sjukehus. Frå barnehagen har vi ei fantastisk utsikt over byfjorden og skogen er vår næraste nabo. Vi legg vekt på barndomen sin eigenverdi kor læring skjer gjennom utforsking, leik og glede i samspel barn imellom og mellom barn og vaksne. I vårt pedagogiske arbeid har vi for tida høgt fokus på livsmeistring. Komande barnehageår legg vi i tillegg stor vekt på det sosiale miljøet i barnegruppa og god, inkluderande leik. 

Vi har ledig fast stilling som barnehagelærar. Vedkomande som får tilbod om stillinga må leggje fram tilfredsstillande politiattest (vandel) jf. Lov om barnehagar §30

Arbeidsoppgåver

Vi søkjer deg som er ein trygg og omsorgsfull barnehagelærar med stor interesse og engasjement for faget. Du vil i samarbeid med pedagogisk leiar ha medansvar for det pedagogiske arbeidet og leggje til rette for eit godt psykososialt miljø i barnehagen.

Du må ha

• Godkjend utdanning som barnehagelærar/førskolelærar
• Gode kommunikasjonsevner på norsk, både skriftleg og munnleg
• Erfaring frå arbeid i barnehage er ein fordel

Vi tenker at du

• Har gode evner og vilje til samarbeid
• Er fleksibel og har lett for å skaffe deg oversikt
• Har stor grad av sjølvinnsikt og evne til refleksjon
• Er påliteleg, imøtekomande og løysingsorientert

Vi tilbyr deg

• Godt arbeidsmiljø
• Fokus på fagleg og personleg utvikling
• Flotte barn og hyggeleg foreldregruppe
• Løn i samsvar med gjeldande overeinskomst i Helse Bergen

Mangfaldserklæring
Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.