Spennande leiarstilling

Er du ein engasjert person med helsefaglig bakgrunn som ønsker deg ein utfordrande og spennande leiarjobb? Då kan du vera den rette for å leia laget vårt ved Skadepoliklinikken i Bergen Helsehus!
 
Vi har som mål å gje det beste tilbudet til bergensere som har behov for øyeblikkelig hjelp for akutte skader og brudd. For å nå målet vårt treng vi ein avdelingssjef som har interesse for og kunnskap om leiing i helsevesenet. Vi samarbeider tett med Bergen kommune og andre einingar ved Haukeland universitetssjukehus, så vi ser etter deg som har særs gode samhandlingsevner.
 
Vi har årleg over 45 000 pasientkonsultasjonar og har i dag 57 årsverk. Vi er dyktige sjukepleiarar,merkantile, radiografar, fysioterapeutar og legar. Vårt hovedfokus er brot- og sårskader, og det foregår også operasjonar ved eininga.
 
Som vår nye avdelingssjef vil du saman med di leiargruppe ha eit overordna og sjølvstendig ansvar for å sikre eit fagleg godt og attraktivt arbeidsmiljø med påliteleg drift, god pasientbehandling og fokus på pasienttryggleik. Du vil også ha personal- og økonomiansvar med eit årleg driftsbudsjett på ca 75 mill.
 
Du vil få gleden av å leie ei godt etablert leiargruppe beståande av 5 kompetente leiarar, og du vil rapportere til og være med i leiargruppa til klinikkdirektør Kjell Matre i Ortopedisk klinikk.

Om du ønsker å lede ei eining som er i stadig utvikling, og som vil yte sitt beste for befolkningen, då vil vi gjerne høyre frå deg!

Les meir om oss her

Arbeidsoppgåver

• Sikre god og fagleg forsvarleg drift av Skadepoliklinikken
• Overordna fag-, personal- og resultatansvar
• Leggje til rette for forsking, fagutvikling og kontinuerleg forbetringsarbeid
• Ansvar for god resursstyring, pasienttryggleik og kvalitet i avdelinga
• Mål og handlingsplanar innanfor gjeldande rammer og strategiar

Kvalifikasjonar

• Høgare helsefagleg utdanning frå universitet eller høgskule
• Kunnskap og relevant erfaring frå spesialisthelsetenesta og/eller legevakt vil bli vektlagt
• Relevant leiarutdanning og -erfaring er ønskjeleg
• Erfaring frå prosjekt-, kvalitet- og forbetringsarbeid
• Erfaring med leiing- og utvikling av team
• Erfaring frå samarbeid på tvers av yrkesgrupper, avdelingar og nivå i helsetenesta er ønskjeleg
• God munnleg og skriftleg framstillingsevne

Personlege eigenskapar

• Du har evne til å motivere og få medarbeidarar til å lukkast
• Du er sjølvstendig og trygg i arbeidet. Skapar tillit og gode relasjonar med andre
• Du er strukturert og systematisk i tilnærming og arbeidsform
• Du har god rolleforståing og er tydeleg, etterretteleg og initiativrik
• Du er handlekraftig, lojal og inkluderande
• Du tåler å stå i endring
• Du er fleksibel i forhold til oppgåver og bidrar til langsiktig planlegging
• Du bidrar positivt til eit fagleg og kollegialt godt miljø
• Du tar personleg ansvar for at oppgåver blir gjort, tilbyr gjerne hjelp og deler raust av kompetansen din

Vi tilbyr

• Ein spennande og morsom leiarstilling
• Rikeleg med utfordringar
• Mange mulige forskningsprosjekter 
• Allsidig og utviklande fagmiljø
• Tverrfagleg, aktivt og godt arbeidsmiljø
• Løn etter avtale

Mangfaldserklæring
Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Vest ønskjer å leggje til rette for inkluderande rekruttering.