Er du fagleg dyktig, god på nettverksbygging og har leiarerfaring?
- Arbeidsgiver
- Museum Vest
- Stillingstittel
- Leiar for Kystmuseet i Øygarden
- Frist
- 24.02.2022
- Ansettelsesform
- Fast
Museum Vest søkjer ny leiar ved Kystmuseet i Øygarden. Vi er ute etter ein fagleg sterk person som brenn for kulturhistoria, er flink med folk og har evne til nytenking.
Hovudoppgåva til leiaren er å vidareutvikla Kystmuseet i Øygarden som eit kulturhistorisk museum med sterke band til lokalsamfunn, kultur- og næringsliv i Øygarden. Leiaren sit i leiargruppa i Museum Vest.
Arbeidsoppgåver
- Leia den daglege drifta og sørga for eit godt arbeidsmiljø ved museet. Leiar har budsjett- og resultatansvar.
- Utvikla strategiar, mål og handlingsplanar for Kystmuseet, men også ta del i det overordna planarbeidet i Museum Vest.
- Leia arbeidet med å forvalta og dokumentera dei samlingane museet har ansvar for.
- Samarbeida med Øygarden kommune når det gjeld kulturminnevern, reiseliv og kulturtilbod/aktivitetar. Vera bindeledd mellom Museum Vest sine tre museumsarenaer i Øygarden og kommunen.
- Formidla fagstoff i ulike kanalar. Ta del i utgjevinga av den kulturhistoriske årboka Havstrilen . Vera aktiv i relevante faglege nettverk.
Kvalifikasjonskrav
- Relevant utdanning fortrinnsvis på mastergradsnivå innafor kulturvitskap eller historie
Søkjar bør også ha:
- Erfaring frå museum/ kulturhistorisk arbeid
- Leiarerfaring/ kompetanse
- Erfaring/ utdanning innan økonomistyring og administrasjon
- Gode kommunikasjons- og samarbeidsevner
- God formuleringsevne på norsk og engelsk. Målforma på Kystmuseet er nynorsk
Vi tilbyr
- Ei spennande stilling med stort rom for gode initiativ
- Tilgang til eit breitt fagmiljø
- Eit raust og inkluderande arbeidsmiljø
- Arbeidsstad er Kystmuseet i Øygarden i Ovågen
- Løn etter tariffavtalen Landsoverenskomsten for museer
- Pensjonsordning i KLP
Spørsmål om stillinga
- Spørsmål om stillinga kan rettast til direktør Øyvind Stang, mob. 474 62 168 eller oyvind.stang@museumvest.no
Om arbeidsgiveren
Stiftinga Museum Vest blei etablert i 2005 som eit resultat av den nasjonale museumsreforma. I dag omfattar museet Norges Fiskerimuseum, Det Hanseatiske Museum og Schøtstuene, Bergens Sjøfartsmuseum, Kystmuseet i Øygarden, Herdla Museum, Nordsjøfartmuseet, Fjell festning og Bjørn West Museet.
Musea har havet og kysten som fellesnevnar. Vår visjon er å vere tett på menneskene og livet langs kysten og på havet. Museum Vest hadde i 2021 driftsinntekter på 78 millioner kroner og ca.65 årsverk.
- Sektor
- Offentlig
- Lederkategori
- Leder
- Sted
- Museumsvegen 9, 5337 Rong
- Bransje
- Museer, gallerier og kulturminne
- Stillingsfunksjon
- Ledelse