Osterøy kommune søkjer barnevernsleiar

Barnevernsleiar

Vil du vere med å utvikle vår barnevernteneste? Barnevernsleiar går av med pensjon og me søkjer etter hennar erstattar. Du vil vere med og bygge og ta tenesta inn i framtida.

Ønskjer du å bidra til at barn og unge i Osterøy kommune får den hjelpa dei treng? Vil du vere ein del av eit engasjert og levande arbeidsmiljø? Då kan du vere personen vi søkjer!

Osterøy barnevernteneste lyser ut ein fast 100% stilling som barnevernsleiar. Barneverntenesta har i dag 8 årsverk og er ein del av Familiens hus, til liks med PPT, Osterøy helsestasjon og lågterskeltilbodet Barn- og familieteamet. Den fysiske og organisatoriske samlokaliseringa av desse tenestene i Familiens hus, har i fleire år sytt for godt samarbeid mellom leiarane og mange synergiar som har kome både dei tilsette og kommunen sine innbyggjarar til del.

Familiens hus er plassert i sektor for oppvekst, undervisning og kultur. Vår barnevernteneste har fokus på tidleg innsats, og ønskjer derfor i tillegg å fylgje opp einskildsaker, og bidra på systemnivå i høve til satsing på førebyggjande arbeid for alle barn i tråd med ny barnevernlov/oppveksteform som trer i kraft 01.01.2022. Familiens hus er lokalisert i nye, fine lokale i Lonevåg sentrum, om lag 30 minutters køyretur frå Åsane.

Arbeidsoppgåver:

• Personal, økonomi og fagansvar
• Informasjon og rapportering
• Drift av tenesta ut i frå lov om barnevernteneste
• Internkontroll, kvalitetsarbeid og utvikling
• Rekruttering av personale
• Kvalitetssikring av rapportering og dokumentasjon
• Tett tverrfagleg samarbeid med kommunen sine øvrige tenester til barn og unge og deira familiar , der fokus er å sjå familien i eit heilskapleg perspektiv.   

Kvalifikasjonskrav:

• Høgare utdanning innan helse og sosial, evt anna relevant utdanning, fortrinnsvis på masternivå eller tilsvarande
• God kunnskap og relevant arbeidserfaring frå barnevernet
• Leiarerfaring med dokumenterte resultat
• God kjennskap til lov og avtaleverk i offentleg sektor
• Sertifikat kl B.
• Gode datakunnskaper, skriftleg og munnleg framstillingsevne.

Ønska kvalifikasjonar:

• Vidareutdanning i barnevernleiing
• Anna relevant vidareutdanning innan leiing
• Vidareutdanning/kompetanse  innan organisasjon, leiing og økonomi

Personlege eigenskapar:

 Vi søkjer deg som: 

• Kan arbeide sjølvstendig, samtidig som du er teamorientert og ha gode samarbeidsevner
• Har engasjement, høg grad av fleksibilitet, evne til refleksjon og å kunne stå i krevjande komplekse situasjoner
• Har evne til heilskapleg tenkjing og effektiv ressurforvatning  
• Har god dialog- og relasjonskompetanse
• Er fleksibel, strukturert, løysingsorientert 
• Har ei positiv haldning, sjølv i ein hektisk kvardag 

Personlege eigenskapar vil verte vektlagd i tilsetjingsprosessen.  

Vi tilbyr:

• Ein spanande jobb i ein kommune med heilskapleg satsing på barn/ungdom og deira familiar 
• Eit høgt fagleg nivå med fokus på fagleg utvikling og kompetanseheving  
• Godt kollegialt sammarbeid med andre leiarar
• Løn etter avtale
• Fleksitid 
• God pensjons-/ og forsikringsordning  

Anna informasjon:

Dersom du tek i mot stillinga, må du leggje fram politiattest som ikkje er eldre enn 3md. jf. Barnevernloven.