Utløpt

Rektor ved Vang barne - og ungdomsskule - 100 % årsvikariat

Arbeidsgiver: Vang Kommune
Stillingstittel: Rektor ved Vang barne - og ungdomsskule- 100 % årsvikariat
Frist: 26.12.2021
Ansettelsesform: Vikariat

Vang kommune har frå nyåret 2022 ledig rektorstilling ved Vang barne - og ungdomsskule - 100 % vikariat for omlag 1 år.

Vang barne- og ungdomsskule er ein kombinert barne- og ungdomsskule, med klassetrinn frå 1. - 10.klasse. Skulen er fulldelt og har omlag 170 elevar og 44 tilsette. Skulen framstår som ny og moderne med flotte fasilitetar, ein stabil og god lærar - og medarbeidarstab og høg trivsel!

Skulen har SMART-oppvekst som satsingsområde, og er godt i gang med implementering av ny læreplan.

Arbeidsoppgåver

Hovudarbeidsoppgåvene vil vere:

Ansvar for fagutvikling på skulen
Ansvar for ressursbruk på skulen
Ansvar for personalleiing på skulen
Syte for at gjeldande lov og avtaleverk og kommunale vedtak blir fylgt opp på skulen
Fagleg ansvar for arbeidet på, og utviklinga av, skulen
Ansvar for budsjett, og oppfølging av rekneskap
Rettleiingsansvar for elevar
Sikre rutiner for elevane sine rettar
Deltaking i leiarmøter i etaten
Følgje opp HMS-arbeidet

Kvalifikasjonar

God pedagogisk kompetanse, samarbeidsevne og høg relasjonell kompetanse
God kommunikasjonsevne og evne til å vere løysingsorientert
Ynskjeleg med skuleleiarerfaring og gjerne leiarutdanning
Tydelig, ryddig og strukturert
Er i stand til å skape positive relasjonar til elevar, foreldre og kollegaer
Er innstilt på å medverke til eit godt skulemiljø
Kjennskap til relevant lov - og avtaleverk
Har god IKT -kompetanse

Personlege eigenskapar vil verte vektlagt.

Vi tilbyr

eit profesjonelt læringsfellesskap kor samarbeid står i sentrum
tilhøyrsle i eit inspirerande, positivt og utviklande lærarteam
faglege utfordringar og utviklingsmoglegheiter
løn etter avtale og arbeidsvilkår etter gjeldande lov- og avtaleverk
gode pensjons- og forsikringsordningar

Tilsetjing på ordinære vilkår som til einkvar tid gjeld i kommunal sektor. Godkjent politiattest skal leverast før tiltreding.

Om arbeidsgiveren

Vestlandsfjell og Austlandsklima er den slåande kombinasjonen som gjer Vangsnaturen unik. Når vangsgjeldingen i tillegg er kjent for eit godt lynne er resultatet ei fjellbygd av sjeldant godt merkje lengst vest i Valdres. I Vang finn du mykje av Jotunheimen, delar av Skarveheimen, fiskevatn, stølar, skiterreng, jaktterreng og all den plassen du kan ynskje deg av eit villmarksområde. Du finn også jordbruk, turisme og gründerar i eit levande og inkluderande bygdesamfunn. Vang er sentralt på ein litt usentral måte, det er 250 kilometer til både Oslo og Bergen og noko lenger til Trondheim. Altså er du midt i smørauget sør i Noreg i ein kommune som har framtidstru og satsar på gode kommunale tenestar på alle område: Nemnast kan nyrenovert skule med fleirbrukshall og eit rikt kulturliv.

Vang kommune er opptatt av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.

Vi gjer merksam på at søkarar kan få sitt namn gjort offentleg i søkarlista, sjølv om det er bedt om konfidensiell behandling. Du som søkar vil i tilfelle bli varsla på førehand om det.

Sektor: Offentlig
Lederkategori: Leder
Sted: Tyinvegen 5035, 2975 Vang i Valdres
Bransje: Barn, skole og undervisning,; Offentlig administrasjon
Stillingsfunksjon: Undervisning og pedagogikk / Rektor / Ass. Rektor,; Undervisning og pedagogikk,; Ledelse