Hardanger og Voss museum søkjer avdelingsleiar - vikariat

Hardanger og Voss museum søkjer

Avdelingsleiar – vikariat, 100% stilling frå snarast til 1.2. 2023

ved Hardanger folkemuseum og Agatunet

Museet har ei allsidig drift. Me forvaltar kulturhistoriske bygg og samlingar, og driv formidling til eit breitt publikum i form av utstillingar, omvisingar, undervisningsopplegg, og kurs i tradisjonelt handverk. Me har utleige av lokalar, kafé og servering. Her er ei konsertscene for folkemusikk. Museet har om lag 10 fast tilsette, og fleire sesongtilsette. 

Hovudoppgåva til avdelingsleiar er å fylgja opp, koordinera og vidareutvikla alle desse varierte driftsområda, saman med dei tilsette, frivillige/venelag og eksterne samarbeidspartar. 

Viktige arbeidsoppgåver er:

• Fagleg og administrativt ansvar for Hardanger folkemuseum, Agatunet, Bu museum og Skredhaugen. 
• Budsjett- resultat- og personalansvar.
• Planleggja, fylgja opp og gjennomføra museet sine oppgåver og prosjekt
• Søknadsarbeid og rapportering
• Samarbeid og vidareutvikling

Me søkjar etter ein strukturert, inkluderande og trygg leiar som har forståing for museet sitt samfunnsoppdrag, er målretta og kommuniserer godt. Universitets- eller høgskuleutdanning innan relevante fag er eit krav, samt kapasitet til å fylgja opp og koordinera mange og varierte arbeidsoppgåver. Søkjarar bør ha relevant erfaring frå museumsfagleg/kulturfagleg arbeid og leiarerfaring.

Avdelingsleiar rapporterer til direktør i Hardanger og Voss museum og inngår i leiargruppa for Hardanger og Voss museum. Det må påreknast noko reiseverksemd, samt helge- og kveldsarbeid. Kontorstad er Hardanger folkemuseum, Utne.

Museet tilbyr gode pensjons- og forsikringsordningar, bedriftshelseteneste og velferdsordningar. Løn etter gjeldande regelverk. 

Nærare opplysningar om stillinga kan de få ved å kontakta direktør Åsmund Kristiansen, 

Tlf: 91746811 eller avdelingsleiar Agnete Sivertsen, tlf 95934698.