Leiar HR-avdeling

Voss herad er i inne i ei spennande tid med mange viktige prosessar innanfor HR-feltet. Me skal vera ein tillitsskapande organisasjon med høg måloppnåing, me skal vera profesjonelle og med høg etisk standard.

Organisasjonen skal vera innovativ og endringsdyktig med høgt meistringsklima og kultur for kontinuerleg forbetring.

Me skal vera skapande og inkluderande med myndiggjorte leiarar og medarbeidarar.

Stabsavdelinga HR og innovasjon har ansvar for oppgåver knytt til HR, IKT, organisasjonsutvikling og digitalisering. Me skal sørga for effektiv drift og vera ein servicefunksjon for alle medarbeidarar og leiarar i kommunen. I HR er det 10 tilsette

som har arbeidsfelt innanfor løn, rekruttering/saksbehandling, personalrådgjeving og HMS.

Me søkjer no etter ein leiar for denne avdelinga. Avdelingsleiaren vil rapportera til stabssjef for HR og innovasjon.

Arbeidsoppgåver

Som ein del av leiinga av HR og innovasjon vil du vera med og arbeida for å nå måla våre i Voss herad

Sørga for gode stabstenester til linjeorganisasjonen

Leia og vidareutvikla avdelinga

Personalansvar for tilsette i avdelinga

Administrativ leiing av avdelinga

Ynskte kvalifikasjonar

For å kunne utføre desse arbeidsoppgåvene trur me at du har relevant høgare utdanning, og då gjerne leiarutdanning og/eller erfaring som leiar. Me trur også at du har erfaring innanfor eitt eller fleire av ansvarsområda til avdelinga. For å kunne syta for effektiv drift og vera ein god og framtidsretta servicefunksjon for alle medarbeidarar og leiarar i kommunen, er det viktig å jobba med innovasjon og organisasjonsforbetringar. I dette ligg det naturleg at du har høg digital kompetanse og erfaring med bruken av digitale verktøy.

Personlege eigenskapar

Me ser etter deg som er ein tydeleg, handlekraftig og involverande leiar som er opptatt av relasjonsbygging og har evne til

å inspirera og motivera, lytta og skapa tillit.

Me trur òg at du er løysingsorientert, utviklingsorientert og målretta, og skapar meistringsklima i stabsavdelinga.

Det er viktig at du er god på å formidla, både skriftleg og munnleg, og at du har gjennomføringskondis.

Personlege eigenskapar vil verta vektlagt.

Me tilbyr

Ein trygg og god arbeidsstad med spennande oppgåver og engasjerte medararbeidarar

Mektig natur, ski- og fritidsterreng med aktivitetar frå fjord til fjell

Ei levande kulturbygd med gode oppvekst- og utdanningsvilkår

Høve til å påverka eigen arbeidskvardag

Ein inkluderande arbeidsplass der me legg til rette for fagleg og personleg utvikling

Gode forsikrings- og pensjonsordningar

Løn etter kommunalt avtaleverk