Kommunalsjef skule og oppvekst
- Arbeidsgiver
- Seljord kommune
- Stillingstittel
- Kommunalsjef skule og oppvekst
- Frist
- 10.09.2021
- Ansettelsesform
- Fast
Ledig stilling som kommunalsjef for skule og oppvekst
Vi søker ny kommunalsjef for skule og oppvekst, og ønsker oss ein kommunalsjef som tør å tenke nytt, som er utviklingsorientert og fagleg sterk, ambisiøs, som er sjølvstendig og framoverlent, og som ønsker å jobbe på tvers. Saman skal vi gjera tilbodet til barn og unge i Seljord til landets beste! Vil du vera med på det?
I Seljord dekkjer skule- og oppvekstområdet barnehage, skule, kulturskule, vaksenopplæring og flyktningtenesta vår. Kommunalsjefen har det overordna ansvaret for utvikling av tenestene, barnehage- og skulefagleg ansvar, samt overordna personal-, økonomi- og budsjettansvar for heile tenesteområdet.
Skule- og oppvekstfeltet er i kontinuerleg utvikling. Fagfornyinga, ny barnehagelov, digitalisering, tidleg innsats og tverrfagleg samarbeid er sentrale stikkord for kva kommunalsjefen vil jobbe særleg med.
Kommunalsjef for skule og oppvekst sit i rådmannen si leiargruppe, og er sentral også i arbeidet med å utvikle heile Seljord kommune i lag med rådmannen og resten av organisasjonen.
Seljord kommune sin visjon er "Seljord – Det gode vertsskap". Denne visjonen skal også syne seg gjennom tenestene våre, kommunen som bustad og kommunen som arbeidsplass.
Kvalifikasjonar
Til jobben som kommunalsjef søker vi ein dyktig leiar som har høgare relevant utdanning innan det skulefaglege området samt leiarerfaring frå endring og omstilling i offentleg sektor. Utdanning på masternivå vil vera ein fordel.
Vi ynskjer at du
• Har høgare utdanning på relevante område for stillinga
• Har kunnskap om og erfaring frå arbeid med barnehage- og skuleutvikling
• Har ambisjonar om å skape ein god barnehage og ein god skule
• Har leiarerfaring
• Er målretta, utviklingsorientert og ryddig
• Kan gjennomføre prosesser frå A til Å
• Har gode samarbeidsevner og byggjer gode relasjonar
• Har evne til å jobbe på tvers og sjå både detaljar og det store biletet
Dei personlege eigenskapane vil bli vektlagd.
Søkjar bør ha evne til heilskapleg og tverrfagleg fokus både i forhold til fag og organisasjon. Gode samarbeids- og kommunikasjonsevner, gode evner til å jobbe strategisk, samt høg etisk standard er ein føresetnad.
Tilsetting så raskt som råd.
Vi tilbyr
• Høve til å vere med å vidareutvikle skule og oppveksttenestene i Seljord kommune saman med dyktige medarbeidarar
• Gode utviklingsmogelegeheiter i ei spennande og utfordrande stilling
• Løn etter avtale
• 10 ekstra fridagar, jamfør HTA kap. 1 § 6.3.
• Gode pensjonsvilkår gjennom KLP
Om arbeidsgiveren
Generell informasjon om Seljord
Seljord kommune ligg sentralt i hjartet av Telemark med storslått natur og gode friluftstilbod. Kommunen er eit handelssenter og trafikknutepunkt, og har mange store arrangement i løpet av året. Det er eit godt utbygde helsetenester, barnehagetilbod, 2 grunnskular, vidaregåande skule, folkehøgskule, kulturskule, symjehall, bibliotek og kulturhus med bibliotek, idrettshall og treningssenter. Innbyggjartalet er omlag 3000.
Seljord kommune nyttar nynorsk som skriftspråk.
- Nettverk
- Sektor
- Offentlig
- Lederkategori
- Leder
- Sted
- Brøløsvegen 13a, 3840 Seljord
- Bransje
- Barn, skole og undervisning,
- Offentlig administrasjon
- Stillingsfunksjon
- Ledelse,
- Rådgivning,
- Undervisning og pedagogikk
Nøkkelord
ledelse, skoleledelse, utviklingsprosesser, kommunaldirektør, kommunalsjef
Spørsmål om stillingen
- Kontaktperson
- Rikke Raknes
- Stillingstittel
- Rådmann
- Mobil
- 92 25 63 18
- Kontaktperson
- Ingeborg Nenseter Jensen
- Stillingstittel
- Organisasjons- og personalsjef
- Mobil
- 47 90 01 19
Brøløsvegen 13a, 3840 Seljord