Prorektor-organisasjon og samhandling

Fagskulen i Hordaland og Fagskulen i Sogn og Fjordane slår seg saman til den nye Fagskulen i Vestland frå
1.1.2022.

Den nye fagskulen blir ein av dei største fagskulane i Noreg med studiestader over heile Vestland fylke, med om lag 1300 studentar og 170 tilsette.                                 Prosjektrektor for samanslåinga er tilsett frå og med 1.1.2021, og frå 1.1.2022 går prosjektrektor inn som rektor ved den nye fagskulen.                                                              Vi søkjer no prorektor for organisasjon og samhandling. Til stillinga ligg mellom anna overordna ansvar for økonomi og ressursplanlegging, etter- og vidareutdanning og studentadministrasjon. Prorektor for organisasjon og samhandling utgjer saman med rektor og prorektor for utdanning den strategiske leiinga ved fagskulen.

I rolla som prorektor for organisasjon og samhandling vil du leie arbeidet med å utvikle den nye fagskulen til ein viktig institusjon i Vestland, som møter dei store nasjonale og regionale forventningane som er stilt. Fagskulesektoren er i endring, og det er ambisjonar om å utvikle skulen vidare som høgare utdanningsinstitusjon. Samstundes ønskjer skuleeigar å styrke skulens posisjon som den viktigaste leverandøren av etter- og vidareutdanning og yrkesretta kompetanseheving for arbeidslivet i Vestland.     Det er ei viktig målsetjing at den nye fagskulen etter kvart skal kunne godkjenne eigne utdanningar innanfor prioriterte område.

Dette er eit eineståande høve til å kunne forme ein utdanningsinstitusjon med dyktige medarbeidarar og
eit viktig samfunnsoppdrag.

Arbeidsoppgåver

• Arbeid med økonomi, tilbodsstruktur og ressursplanlegging
• Ansvar for HR-funksjonar
• Sekretariatsfunksjon for styret og nemnder
• Ansvar for oppfølging mot nasjonale styresmakter (NOKUT, DIKU og Kompetanse Norge)
• Årleg melding om kvaliteten i utdanningane
• Strategiarbeid
• Ansvar for inntak
• Planlegging, førebuing og gjennomføring av eksamen
• Lover og reglar
• KS-arbeid
• Etter- og vidareutdanning
• Marknadsføring
• Overordna ansvar for studiestadene
• Prosjektoppfølging
  
  Prorektor for organisasjon og samhandling har ansvar for personaloppfølging av Stab og leiar for studieadministrasjonen. Prorektor kan gå inn i rektors stad i administrative saker og har då fullmaktene til rektor.
  

Kvalifikasjonar

• Relevant leiarerfaring frå fagskule, vidaregåande skule, UH-sektoren eller næringslivet.
• Utdanning innan organisasjon og leiing eller tilsvarande.
• God kjennskap til fagskulesystemet, krava til fagskulen og fagskulens plass i det overordna utdanningssystemet.
• Erfaring frå strategisk utviklingsarbeid og arbeid mot politisk nivå er ein fordel.
• God kjennskap til arbeids- og næringslivet og kompetansebehova i arbeidsmarknaden.
  

Personlege eigenskapar

• Prorektor må kunne opparbeide seg høg grad av legitimitet i organisasjonen
• Prorektor må ha sterk strategisk og organisatorisk forståing, vere dyktig til å setje retning og kunne motivere og inspirere andre
• Det er ein styrke om prorektor har eit godt nettverk nasjonalt og regionalt og har stor arbeidskapasitet.
  
  Generelt om stillinga
  Prorektor skal vere strategisk støttespelar for rektor
  Prorektor skal kunne representere leiinga ved fagskulen i eksterne samanhengar
  Prorektor vert støtta av administrasjonen i utøvinga av sine faglege funksjonar
  Prorektor er fast medlem av leiargruppa og utfører elles dei arbeidsoppgåver som blir delegert frå rektor

Andre opplysningar

Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Arbeidsstad Bergen eller Førde