Kommunedirektør

Vi søkjer ein synleg og løysningsorientert leiar som i godt samspel med politikarar, tilsette og tillitsvalde skal arbeida for vidare utvikling av lokalsamfunnet og levere gode tenester til innbyggjarane våre. Den nye kommunedirektøren er ein engasjert og samlande leiar som vert motivert av å skapa resultat og få til gode løysingar. Vi ynskjer ein leiar som gler seg over medarbeidarar som lukkast, kommuniserer godt og er ein god relasjonsbyggjar.

Austrheim kommune har dyktige medarbeidare og  engasjerte innbyggjarar. Den nye kommunedirektøren vil ha ei pådrivarrolle for å vidareutvikla organisasjonen og gjera kommunen endå meir attraktiv for næringsliv  og innbyggjarane.

Vår nye kommunedirektør må vera ein engasjert lagspelar som er opptatt av utviklingsprosessar og resultat. I tillegg må kommunaldirektøren vera tillitsskapande, ein sterk relasjonsbyggar og ha gode kommunikasjonsevner. 

Kjennskap til samspelet mellom politikk og administrasjon er ein føresetnad. Gode kandidatar har relevant høgare utdanning, god økonomisk innsikt, relevant leiarerfaring og kjennskap til offentleg  forvalting. Erfaring frå offentleg sektor vil vera ein fordel, men brei leiarerfaring frå privat sektor, kombinert med kjennskap til offentleg forvalting, kan og vera ein god bakgrunn. Vår nye kommunedirektør er engasjerande, målretta, og kan visa til god relevant erfaring og inneha ein motiverande leiarstil.

Vi tilbyr ei utfordrande og spanande leiarstilling i ein organisasjon med høg kompetanse og med gode moglegheiter til å påverke utviklinga både i kommunen og i organisasjonen.

Spørsmål om stillinga kan rettast til Mercuri Urval ved Gro Reinertsen tlf 975 59 058 eller Silje Bolset tlf 975 59 049. Du kan og kontakta ordførar Per Lerøy tlf 945 06 747.

Søk på stillinga på www.mercuriurval.no snarast, og seinast innan 25.05.2021. 

All uformell kontakt med Mercuri Urval vert handsama konfidensielt, om ynskjeleg og for oppdragsgjevar.
Det vert utarbeida offentleg søkjarliste. Det vert vist til offentleglova§ 25, andre ledd med omsyn til å verta unnateke off.søkjarliste.