Vi søkjer deg som trivast med ansvar og varierte oppgåver!

Ved Stavanger ungdomssenter, familieavdelinga har vi ledig fast 100 % stilling som avdelingsleiar.

Stillinga inneber at du både må ha kompetanse på eige fagområde, samtidig som du må få god oversikt over og forståing for Bufetat sitt viktige samfunnsoppdrag innan barnevern. 

Du vil bli utfordra på å levere godt innafor gjeldande oppdrag i dag, samtidig som det vert forventa at du er ein pådrivar med tanke på å utvikle organisasjonen i retning mot krav og venta resultat som ligg føre i samband med blant anna pågåande barnevernreform.

Du har særleg engasjement for organisasjonsutvikling innan offentleg sektor, og er opptatt av å vere del av ein organisasjon som skal gi best mogeleg tenester til barn, unge og familiar. 

Du vil ha ansvar for å leie fem rådgjevarar og atten familieheimar. Saman med deg i senteret har du ei leiargruppe på fire.

Stavanger ungdomssenter er ein del av Bufetat region vest sitt tilbod til barn og unge som treng ein omsorgsbase utanfor heimen.

Stavanger ungdomssenter femnar om avdelingene Lindøy, Våland og familieavdelinga. Senteret har 26 godkjende plassar for ungdom i aldersgruppa 13-18 (20) år.

Familieavdelinga gjev tilbod om oppfølging av familiane til borna/ungdommane som bur i
avdelingane, og til fosterheimane som er knytt til senteret.

Familieavdelinga er lokalisert i Statens hus sentralt i Stavanger.

Arbeidsoppgåver/ansvarsområde:

• Avdelingsleiar skal saman med leiar og leiarteamet ha ansvar for tilrettelegging av eit godt fagleg miljø, og utvikling av senteret som ein heilskap.
• Du vil få ansvar for avdelinga sitt budsjett.
• Du vil få ansvar for personal og administrasjon knytt til rådgjevarar og oppdragstakarar.
• Du vil få ansvar for kvalitetsikring av avdelinga sitt faggrunnlag.
• Du vil få ansvar for å kvalitetssikre plassering og oppfølging av den einskilde ungdom.
• Du vil få faglege oppfølgings- og utviklingsoppgåver.
• Du skal samarbeide med tilitsvalde og verneombud samt deltaking i lokalt samarbeidsutval.

Du må ha:

• minimum tre års utdanning fra høgskule/universitet som gjennomført bachelorgrad eller 180 studiepoeng innan sosialfag
• det er ønskjeleg med minimum 15 studiepoeng utdanning innan administrasjon og leiing

Vidare er det krav om:

• leiarerfaring
• erfaring frå barnevernfeltet, og helst med fosterheim/familieheim
• god munnleg og skriftleg framstillingsevne

• Du har gode samarbeidseigenskapar.
• Du er fleksibel.
• Du står stødig i endring og utvikling over tid.
• Du engasjerer og motiverer medarbeidarar til kunnskapsbasert arbeid.
• Du jobber sjølvstendig.
• Du er god på å prioritere mellom oppgåver i ein hektisk arbeidskvardag.

• Eit stimulerande fagleg miljø og tilhald i eit godt arbeidsmiljø.
• Høve til å trene inntil ein time i veka i arbeidstida.
• Medlemskap i Statens pensjonskasse, jf. Lov om statens pensjonskasse, som inneber ei god tenestepensjonsordning, tilbod om bustadslån til konkurransedyktige vilkår, samt yrkesskade- og gruppelivsforsikring.

Stillinga er plassert i statlig lønsregulativ i stillingskode 1407 som avdelingsleiarAvdelingsleiar p.t. kr 490 600 - 658 300 pr. år (ltr 55-71). Løn vurderast etter utdanning og kvalifikasjonar.

• Inkludering og mangfald er ei styrke og gjer at vi kan løyse oppgåvene våre endå betre. Difor ynskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppfordrar vi deg som søkjer til å krysse av i jobbsøkarportalen. Er det kvalifiserte søkarar, kallar vi inn minst ein i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar brukar vi ikkje avkryssingane til noko anna enn anonymisert statistikk.
• Stillinga er for tida lagt til Stavanger ungdomssenter
• Politiattest må leggast fram ved eventuell tilsetting, jf lov om barnevern § 6-10, og forskrift om politiattest § 6. Denne attesten skal ikkje leggast med søknaden.
• Du kan be om å ikkje bli oppført på den offentlege søkjarlista. Dette må i så fall begrunnast. Vi kontakter deg dersom ønsket ditt ikkje takast til følge.

Enhetsleder Janne Haugstad Bø: 46619655, janne.haugstad.bo@bufetat.no

Søknad med CV sendast elektronisk via link på denne sida

Vitnemål og attestar med bekrefta stillingsstorleik og varigheit skal takast med ved eit eventuelt intervju.