Leiar nasjonale legemiddelberedskapslager

Helse Vest og Sjukehusapoteka Vest ivaretek oppgåve med å bygge opp nasjonale legemiddelberedskapslager for primær- og spesialisthelsetenesta. Nasjonale legemiddelberedskapslager er eit viktig tiltak for å sikre tilgang på viktige legemiddel i Norge. Samla verdi for ferdig oppbygd lager er på 1,6 mrdNOK. Vidareutvikling og permanent organisering av nasjonale legemiddelberedskapslager vil skje i nært samarbeid med regionhelseføretaka, dei andre sjukehusføretaka og Helsedirektoratet.

Stilling som leiar for nasjonale legemiddelberedskapslager er lagt til fagavdelinga/føretaksadministrasjonen i Sjukehusapoteka Vest i Bergen, og rapporterar til fagdirektør i Sjukehusapoteka Vest. Stillinga vil og vere del av sjukehusapotekføretaka sin felles grossistadministrasjon (GA) frå 1.1.2022.

Arbeidsoppgåver

• Leie og koordinere arbeid med oppbygging og forvalting av nasjonale legemiddelberedskapslager, og overføre aktuelle oppgåver frå prosjekt til permanent organisering
• Ta aktivt del i arbeid med oppbygging og forvalting av lager
• Nært samarbeid med sjukehusapotekføretaka sin grossistadministrasjon om samordning av alle legemiddelberedskapslager for spesialisthelsetenesta
• Nært samarbeid med Sykehusinnkjøp HF, divisjon legemidler, om innkjøp av legemidler til beredskapslager for spesialisthelsetenesta
• Oppfølging av avtaler om beredskapslagring med legemiddelgrossistane
• Forankre samansetting og oppbygging av beredskapslager hos interesseparter
• Sakshandsaming for prosjektstyre og føretaksleiing
• Andre arbeidsoppgåver kan tilfalla ved behov

Kvalifikasjonar

• Vi ønskjer deg som er farmasøyt og har leiarerfaring
• Erfaring med grossistverksemd og/eller legemiddelberedskap, lagerhald og distribusjon av legemiddel til profesjonelle sluttbrukarar
• Erfaring frå prosjekt- og avtalearbeid er ønskjeleg
• God IKT-kompetanse og systemforståing
• God munnleg og skriftleg framstillingsevne
• Interesse for og ønskje om å utvikle eigne leiareigenskapar

Personlege eigenskapar

• Gode kommunikasjons- og samarbeidseigenskapar
• Systematisk, strukturert og løysingsorientert
• Du er analytisk og kan gjere gode vurderingar for å finne løysing på komplekse oppgåver 
• Fleksibilitet til å kunne gå inn i nye arbeidsoppgåver
• Initiativrik, sjølvstendig og bidreg til eit positiv arbeidsmiljø
• Du er framoverlent og taklar høgt arbeidstempo i periodar
• Personlege eigenskapar vil bli lagt vekt på ved tilsetting

Vi tilbyr

• Ei utfordrande og spanande stilling med fagleg leiarskap for teamet
• Høve til fagleg og personleg utvikling
• Føretaksadministrasjonen held til i moderne lokale i Møllendalsbakken 9 og har eit godt og uformelt arbeidsmiljø
• Løn etter avtale og god pensjons og forsikringsordning