Utløpt

Avdelingssjef for medisinsk avdeling

Arbeidsgiver: Helse Møre og Romsdal HF
Stillingstittel: Avdelingssjef for medisinsk avdeling
Frist: 31.03.2021
Ansettelsesform: Fast

Er du ein lagbyggar som gjerne går nye vegar for å skape det beste teamet? Vi søkjer deg som vil leie og utvikle helseføretaket sin medisinske spydspiss ved Ålesund sjukehus.

Som avdelingssjef for medisin vil du få ansvar for 7 seksjonar. Det inkluderer 3 sengepostar, poliklinikk, dialyse, merkantil seksjon og legeseksjonen. Fagleg rommar avdelinga følgjande indremedisinske spesialiteter, som kvar har sin seksjonsoverlege: blodsjukdomar, diabetes- og stoffskiftesjukdomar, hjartesjukdomar, infeksjonssjukdomar, lungesjukdomar, mage- og tarmsjukdomar, nyresjukdomar, slag- og alderdomssjukdomar.

Du får ei sentral rolle som avdelingssjef i utviklinga av spesialisthelsetenesta til beste for innbyggarane i Møre og Romsdal.

I tillegg til faglege utfordringar byr vi på ein fantastisk by og omland:
Ålesund er kåra til den vakraste byen i Norge, og byen sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her

Kvalifikasjonar

Relevant utdanning frå høgskule/universitet
Leiarerfaring frå helsetenesta
Relevant yrkeserfaring og god fagleg innsikt og kompetanse i dei aktuelle fagområda
Vi oppmoder legar til å søkje

Personlege eigenskapar

Du er endringsvillig og handlekraftig og kommuniserer på ein måte som inspirerer og motiverer andre
Du er ansvarleg, tenkjer heilskapleg og er van med å løyse samansette problemstillingar
Du er analytisk, reflektert og er god på å bygge lag

Vi tilbyr

Ei sentral rolle i utviklinga av spesialisthelsetenesta til beste for innbyggarane i Møre og Romsdal
Spanande leiar oppgåver og rom for fagleg utvikling
Konkurransedyktige løns- og personalvilkår, inklusive gode pensjons- og forsikringsordningar
Andre opplysningar
Du må framlegge tilfredsstillande politiattest
Du kan be om å få namnet ditt unntatt frå offentleg søkjarliste. Arbeidsgjevar vil vurdere ei slik oppmoding og tek kontakt med deg dersom oppmodinga ikkje vert tatt til fylgje

Om arbeidsgiveren

Vil du
gjere ein forskjell? Vi i Helse Møre og Romsdal gir spesialisthelsetenester til
alle innbyggjarane i fylket. Med våre omlag 6500 tilsette er vi ein skapande og
nytenkande organisasjon som kvar dag står på for at pasientane skal få best
mogleg helsetenester. Vi har ei leiande rolle innan forsking og utdanning, men
har også sterke fagmiljø knytt til teknisk drift, økonomi og HR. Våre sjukehus
finn du i Volda, Ålesund, Molde og Kristiansund, og i tillegg har vi
behandlingsinstitusjonar innan rehabilitering, psykisk helsevern og
rusbehandling. Vi legg til rette for gode og inkluderande arbeidsmiljø prega av
openheit og respekt. Uansett kva stilling du søkjer, så skal vi bidra til at du
får utvikle deg og di kompetanse på ein stad kor det verkeleg tel. Bli med på
laget!

Vi ønsker
leiarar som er synlege, ansvarlege og som forstår at teamarbeid er avgjerande
for å lykkast med samfunnsoppdraget. Som leiar må du engasjere og lede ann i
utviklinga av kultur og identitet i helseføretaket. Vi treng deg som
kommuniserer godt, tar ansvar og beslutningar, og som har handlekraft til å
drive fram konkrete forbetringar saman med teamet ditt. Vi gir
deg opplæring på veien, tilgang på styringsinformasjon og tilbod om utvikling
gjennom leiargruppa di - slik at du får utvikle deg som leiar i samsvar med
dine eigne og helseføretaket sine forventingar. Tek du utfordringa?

Vi minner
om at du kan få namnet ditt unntatt frå offentleg søkjarliste. Vi vurderer ei
slik oppmoding og tar kontakt med deg dersom oppmodinga ikkje vert tatt til
følgje.

For meir informasjon om helseforetaket, sjå Helse Møre og Romsdal