Rektor Frøyland ungdomsskule

Vår rektor ved Frøyland ungdomsskule har fått jobb som Barn-og familiesjef i Time kommune. Me ser nå etter ny rektor som vil leia vår gode skule vidare.

Frøyland ungdomsskule er ein skule med om lag 150 elevar. Skulen ligg fint til med fantastisk utsikt over Frøylandsvatnet som blir nytta aktivt i i undervisninga. Skulen har eit godt arbeids- og læringsmiljø, og alle elevar og lærarar bruker iPad som læringsverktøy i skulekvardagen. Skulen har ein aktiv utviklingsplan som er utarbeidd kollektivt i personalet, og eit profesjonelt kollegium som har jobba med utvikling over tid. 

Frøyland ungdomsskule sine utviklingsområde i år er lesing som grunnleggjande ferdigheit og inkluderande skulemiljø. Målet er at alle elevane skal ha progresjon i lesing, og det skal vera høg grad av medverknad og trivsel. I personalet jobbar ein aktivt med ny læreplan, og er vidare del av kompetanseutviklinga knytt til den nasjonale satsinga "Inkluderande barnehage og skulemiljø".

Me ser etter deg som er engasjert og har kompetanse om læring, samarbeid og utvikling. Du har analysekompetanse og strategiar for å kunna leia prosessar til det beste for elevane. Ditt fokus er på overordna nivå. Saman med assisterande rektor legg du til rette for prosessar og leiing av lærarane si læring og utvikling. Rektor er einingsleiar og har med det også personal og økonomiansvaret på skulen.

 Skulane i Time er del av Jærskulen, eit interkommunalt samarbeid om skuleutvikling saman med Hå, Klepp og Gjesdal. Frøyland ungdomsskule er i leiarnettverket med Varhaug ungdomsskule, Bore ungdomsskule og Gjesdal ungdomsskule. 

Som rektor har du:

• Ansvar for elevane sine læringsresultat og læringsmiljø
• Ansvar for at skulen sitt samfunnsoppdrag vert innfridd
• Ansvar for at skulen fungerer godt som organisasjon, og som del av overordna system
• Ansvar for at det skjer utvikling og endring i takt med endringar internt og eksternt
• Eit avklart forhold til eiga leiarrolle og leiarskap.

Kvalifikasjonar

Personlege eigenskapar

• Evna å leia strategisk, leia utviklings- og endringsprosessar og leiing av kompetanseutvikling
• God fagkompetanse og legitimitet
• Evna å bygga eit profesjonsfelleskap, samarbeid og kultur. Vera inspirator og konfliktløysar
• Evna å vera tydeleg, demokratisk og sjølvstendig, trygg og modig.
• Evna å tilpassa eige leiarskap til eigen personlegdom, eigne føresetnadar, styrkar og svakheiter

Vi tilbyr