Spennande leiarstilling

Statsforvaltaren i Vestfold og Telemark har ledig ei fast 100 % stilling som assisterande statsforvaltar. Assisterande statsforvaltar er nestleiar ved embetet.

I tillegg til eit overordna ansvar for drifta i embetet saman med statsforvaltaren, har assisterande statsforvaltar eit særleg ansvar for å følgje opp dei felles overordna strategiane og prioriteringane som gjeld, til dømes tildelingsbrev, fellesdelen av verksemdplanen mv. I denne samanhengen er forholdet til samarbeidande aktørar, ikkje minst kommunane og statsetatane, særleg viktig.

• Stillinga krev høgare utdanning, fortrinnsvis embetseksamen/master i samfunnsfag eller rettsvitskap
• Relevant leiarerfaring frå offentleg eller privat versemd
• Svært gode analytiske og strategiske evner
• Røynsle frå fagleg utviklingsarbeid og/eller omstillings- og endringsprosessar
• God kunnskap om offentleg forvaltning og særleg statsforvaltninga og høvet til kommunane,  i tillegg til god innsikt i offentleg lov- og avtaleverk
• Må kunne sikkerheitsklarerast etter sikkerheitslova

Personlege eigenskapar vil bli tillagt stor vekt ved tilsetjing. Vi ynskjer ein assisterande statsforvaltar som har:

• Evne til å inspirere, som er målretta, beslutningsdyktig og resultatorientert og som legg vekt på dialog og samarbeid både internt og eksternt
• God vurderingsevne og rolleforståing
• Imøtekommande og profesjonell haldning
• Gode samarbeids- og kommunikasjonsevner
• Stor arbeidskapasitet

• Evne til å vere aktiv og synleg i arbeidsmiljøet

• Interessante og utfordrande arbeidsoppgåver i eit triveleg og tverrfagleg arbeidsmiljø
• Gode sosiale vilkår med fleksibel arbeidstid og pensjonsordningar i Statens pensjonskasse
• Lønn som assisterande statsforvaltar med årslønn i spennet kr. 1.000.000 - 1.200.000, avhengig av kvalifikasjonar og erfaring. For særleg godt kvalifiserte søkjarar kan høgare lønn vurderast.

Det er 6 månaders prøvetid.

Kontorstad for stillinga vil vere Tønsberg.

Embetet har nynorsk som målform.

Vi tek atterhald om endring av oppgåvene til stillinga.

Opplysningar om søkjaren kan bli offentleggjort jf. offl. § 25, sjølv om søkjaren har bedt om ikkje å bli oppført på offentleg søkjarliste.

Vi er opptatt av at arbeidsstyrken i størst mogleg grad skal spegla mangfaldet i samfunnet. Vi oppfordrar derfor alle kvalifiserte til å søka, uansett kjønn, alder, funksjonsevne eller etnisk bakgrunn. Embetet ønsker å realisere målet til regjeringa knytt til inkluderingsdugnaden om at minst 5% av dei nytilsette i staten skal vere personar med nedsett funksjonsevne eller avbrot i yrkeskarriera.

Du kan få nærare informasjon om stillinga ved førespurnad til: Statsforvaltar Per Arne Olsen,
tlf.nr: 33 37 11 14, eller tlf. nr: 905 32 000.

Vi ber om at søknad, med referansar, vedlagt vitnemål og relevante attestar, blir sendt elektronisk via jobbnorge.no.

Søknadsfrist: 3. februar 2021.