Utløpt

Vil du være Kartverkets skipsreiar, i det minste ei stund?

Arbeidsgiver: Kartverket
Stillingstittel: Avdelingsdirektør reiarlag
Frist: 13.12.2020
Ansettelsesform: Engasjement

Kartverket driv eit lite reiarlag (rederi) med eitt skip, M/S Hydrograf og tre tilhøyrande arbeidsbåtar. Kartverket planlegg at Havforskningsinstituttet skal overta reiarlagdrifta, men fram til dette er gjennomført, treng vi deg til å leie reiarlaget vårt på ein trygg og god måte. Vi søkjer difor etter ein avdelingsdirektør i midlertidig stilling - ut 2021. Som avdelingsdirektør vil du vere ansvarleg for drifta av reiarlaget og rapportere til direktøren for sjødivisjonen i Kartverket.

MS Hydrograf er moderfartøyet i Kartverkets flåte og er bygd i 1985 ved Simek i Flekkefjord. Ho er på 642 bruttoregistertonn, 43,8 meter lang og har lugarkapasitet til 13 personar. Vi bruker fartøyet til kost og losji for mannskapet og som prosesseringsplattform. MS Hydrograf er utrusta med multistråle-ekkolodd for å kunne drive eiga sjømåling. Tilknytta fartøyet er det tre mindre arbeidsbåtar som vi nyttar til kystnær sjømåling. MS Hydrograf har eit mannskap på 22 personar, 16 maritimt personell og 6 teknisk personell. Reiarlaget har ansvaret for maritimt personell. I reiarlaget er det også tilsett ein teknisk inspektør som rapporterer til avdelingsdirektøren.
MS Hydrograf er på oppdrag langs norskekysten, i norske havområder og på Svalbard heile året. Kartverket er til stades på Svalbard med fartøyet cirka 10 veker kvar sommar. Resten av tida opererer det langs norskekysten.

Kartverket er i fremste rekkje internasjonalt i bruk av innovativ teknologi, og kartprodukta våre held eit svært høgt nivå. Vi har vunne prisen for verdas beste sjøkart i den internasjonale kartografikonkurransen to gonger på rad.

Kartverkets sjødivisjon har om lag 120 tilsette med ein spennande og mangfaldig bakgrunn. Arbeidsstad er Kartverkets kontor i Stavanger.

Arbeidsoppgåver

Drift av reiarlag etter ISM-koden, inklusiv planlegging og gjennomføring av vedlikehald og klassing av fartøy
Du vil vere personalleiar for maritimt mannskap og teknisk inspektør
Du vil leie og organisere arbeidet i avdelinga og ha økonomiansvar for heile avdelinga
Du skal leie og utvikle avdelinga i tråd med mål, strategiar og budsjett
Du vil ha ansvar for kontinuerleg forbetring av arbeidsprosessane i avdelinga, medrekna å førebu og gjennomføre overføring av reiarlaget til Havforskningsinstituttet
Du vil vere ansvarleg for avdelingas leveransar, kapasitet og kompetanse

Kvalifikasjonar

Du må ha relevant utdanning på høgskule/universitetsnivå, minimum bachelorgrad, innan fagfelta leiing eller drift av fartøy
Relevant arbeidserfaring kan kompensere for delar av manglande formell utdanning
Du må ha minimum tre års arbeidserfaring som leiar
Du må ha erfaring med maritim drift av fartøy, anten som offiser på skip eller som tilsett på reiarlagskontor
Det er ønskjelig at du har kompetanse på
- drift av fartøy i samsvar med ISM-koden
- verne- og miljøarbeid på norske skip
- vedlikehaldssystem for skip underlagt klassing
- maritim kompetanse
- erfaring som sjef av reiarlag

Personlege eigenskapar

Du må ha evne til å motivere, støtte og engasjere medarbeidarane
Du må vere løysingsorientert
Du må ha god planleggings- og gjennomføringsevne
Du må ha gode kommunikasjonsevner. Svært god norskkunnskap er eit krav, du må kunne kommunisere med tilsette som bruker dialektar frå heile landet.
Du må vere utviklingsorientert og endringsdyktig

Vi tilbyr

Ein moderne, levande og morosam arbeidsplass, interessante arbeidsoppgåver i eit triveleg arbeidsmiljø
Gode høve for kompetanseutvikling
Gode velferdsordningar
Fleksibel arbeidstidsordning
Stillinga blir løna som avdelingsdirektør, fra kr 800 000,- til 850 000,- etter kvalifikasjonar. For særleg kvalifiserte søkjarar kan høgare løn vurderast
Gunstig pensjonsordning gjennom Statens pensjonskasse

Kartverket praktiserer eit inkluderende arbeidsliv. Det inneber at vi ønskjer velkomen kvalifiserte søkjarar med redusert funksjonsevne, ulik nasjonal eller etnisk bakgrunn og kandidatar som av ulike årsaker ikkje kan dokumentere ein samanhengande yrkeskarriere.

Om arbeidsgiveren

Kartverket dekkjer Noregs behov for geografisk informasjon og offentleg eigedomsinformasjon, og er tinglysingsmyndigheit for heile landet.

Hovudkontoret ligg på Hønefoss. I tillegg har vi 13 kontorstader frå Kristiansand i sør til Vadsø i nord, samt eit jordobservatorium i Ny-Ålesund på Svalbard.

I Kartverket legg vi vekt på tydelege retningsval, gode arbeidsvilkår, kompetanseutvikling og karrieremoglegheiter.

Kjerneverdiane våre er: Inkluderande, kompetent, open, påliteleg og engasjert.

Sektor: Offentlig
Lederkategori: Leder
Sted: Professor Olav Hanssens vei10, 4021 Stavanger
Bransje: Maritim og offshore
Stillingsfunksjon: Ledelse,; Annet