Ledig stilling i landsbyen i havet:

Er du ein strategisk og samlande leiar som både kan vera med og leia arbeidet med dei store reformane, og ha eit auge for detaljane i helse- og sosialfeltet i Fedje kommune? Som tek sin naturlege plass i det interkommunale utviklingsarbeidet, og samstundes kan motivera og leia samarbeidet mellom einingane her i kommunen?

Me søkjer etter ein handlekraftig og tillitsbyggjande leiar som skal leia helse- og omsorgssektoren. Helse- og omsorgssjefen har eit heilskapleg leiaransvar, med økonomiansvar, personalansvar, fagansvar og utviklingsansvar. Helse- og omsorgssjefen er med i rådmannen si leiargruppe.

 Me ønskjer deg som har

- høgare helse- og sosialfagleg, økonomisk/juridisk, administrativ eller samfunnsfagleg utdanning

- leiarerfaring og kunnskap om budsjett og økonomistyring

- jobbar strukturert og målretta

- er god på relasjonsbygging, og evner å skape tillit og eit godt omdømme både innad og utad

- gode samarbeidsevner

- er løysingsorientert og trivst med å skape gode resultat gjennom fokus på handling

 
Me ser gjerne at du

- har erfaring frå eit eller fleire av tenesteområda sine faglege arbeidsfelt

- har kjennskap til kommunal verksemd, gjerne frå ein liten kommune

- har god kommunikasjonsevne både munnleg og skriftleg

- er fagleg oppdatert på reformane innan helse og omsorg

Me byr på

- Ei interessant leiarstilling med både store og små oppgåver i eit tett og lite miljø

- Nærleik til innbyggjarar, oppgåver og resultat

- Engasjerte medarbeidarar som brenn for innbyggjarane sitt beste

- Å vera ein del av landsbyen i havet med storhavet og naturen tett på, gode naboar og eit aktivt kultur- og friluftsliv

- Hjelp til å skaffa bustad, gratis barnehageplass i ein aktiv barnehage, og eit godt oppvekstmiljø.

- Lønn etter avtale

Søknadsfrist 13.12.20

For meir informasjon: Rådmann Gjermund Hagesæter tlf 56165106/ 934 20 679
Send søknad med minst 2 referansar.

Sjå gjerne vår vesle videosnutt om landsbyen i havet!