Avdelingsleiar i Statped vest - Høyrselsavdelinga

Det er ledig stilling som avdelingsleiar i høyrselsavdelinga i Statped vest.  Avdelinga har 7 årsverk. I tillegg til å vere ein del av regiondirektøren si leiargruppe, vil avdelingsleiaren også vere ein del av eit leiarnettverk på tvers av dei fire regionane og landsdekkande fagleg eining i Statped. 

Du vil som avdelingsleiar bli leiar i eit kompetent fagleg miljø med dugande medarbeidarar. Medarbeidarane i avdelinga har arbeidsoppgåver knytt til audiofagleg rådgjeving og ulike former for digital og/eller fysisk kompetanseformidling for barn, unge og vaksne i tilknyting til høyrselsfeltet. 
Statped er no i ei omstilling, og oppgåvene til stillinga vil bli endra i samsvar med nytt mandat for organisasjonen og ny organisering av Statped.

Både i regionen og gjennom leiarnettverket vil du kunne initiere og ta del i spennande leiaroppgåver. Statped har sett arbeid med digitalisering høgt på dagsorden, og dette er eitt av områda som det er høve til å vere med å utvikle vidare.
Statped er i perioden 2020-2024 under omstilling. Arbeidsstad vil derfor kunne vere på alle  Statped sine lokasjonar i Noreg.

Arbeidsoppgåver

• Avdelingsleiar tek del i utviklinga av regionen i lys av omstillingsprosessane som pågår i Statped
• Avdelingsleiar er ansvarleg for å vidareutvikle høyrselsavdelinga slik at den best mogeleg støttar brukarar, grupper av brukarar, kommunar og fylkeskommunar i regionen. Avdelinga skal også bidra til kompetanseutvikling og kunnskapsspreiing.
• Den som vert tilsett skal bidra til vidareutvikling av Statped vest sitt tenestetilbod i dialog med kommunale oppdragsgjevarar og PP-tenesta som næraste samarbeidspart
• Samhandle med andre norske og internasjonale fagmiljø på området
• Avdelingsleiar rapporterer til regiondirektør  
• Delta i andre oppgåver i Statped

Personlege eigenskapar

• God til å kommunisere og samarbeide med andre
• Kreativ og fleksibel
• Sjølvstendig, analytisk og resultatorientert
• Utviklingsorientert og kvalitetsmedviten
• Beherske bruk av administrativ IKT verktøy  

Kvalifikasjonar
Vi søkjer ein person med:

• Relevant høgare utdanning på mastergradsnivå. Leiarerfaring frå høyrselsfeltet kan kompensere for kravet til mastergrad  
• Relevant leiarerfaring. Du må raskt kunne gå inn i oppgåvene som ligg til stillinga
• Erfaring med tverrfagleg samarbeid kring oppvekstvilkår for barn og unge vil vere ein fordel
• Gode system- og forvaltningskunnskapar
• God kunnskap om norsk skule- og utdanningspolitikk
• God skriftleg og munnleg formidlingsevne. Skriftleg framstilling på begge målformer
• God rolleforståing
• Personleg eigna

Vi tilbyr

• Stillinga vert løna som avdelingsleiar (st.kode 1407) i ltr 68-78 tilsvarande kr. 618.600-768.500 brutto pr. år
• Ei leiarstilling som vert ein del av ein stor omstillingsprosess i Statped
• Gode høve til å påverke utviklinga av Statped sitt tenestetilbod og kompetanseformidling
• Gode kollegaar og ein organisasjon i omstilling og endring
• Mykje bruk av team - og prosjektorganisering
• Eit stimulerande og godt arbeidsmiljø med høg fagleg kompetanse
• Gode høve til fagleg utvikling
• Medlemskap i Statens pensjonskasse med m.a. tenestepensjonsordning og tilbod om bustadlån
• Fleksibel arbeidstidsordning

Kontaktinfo
Regiondirektør Gerd Ingunn Opdal, tlf. 906 20 938

Andre opplysningar

• Stillingsbrøk: 100 %
• Fast
• Tiltreding: 15.01.2021
• Tal på stillingar: 1
• Arbeidsstad: Statped

Statped er opptatt av mangfald, og ønskjer å vere ein arbeidsplass som speglar befolkninga. Vi oppmodar difor alle kvalifiserte kandidatar til å søke, uavhengig av for eksempel alder, kjønn, funksjonshemming, hol i CV-en, nasjonal eller etnisk bakgrunn.

Søkjarar som opplyser at dei har nedsett funksjonsevne eller hol i CV-en, vert gjort merksam på at denne opplysninga kan bli brukt til statistikkformål i samband med regjeringa si inkluderingsdugnad.

Om du ønsker å reservere deg frå oppføring på offentleg søkjarliste, må dette opplysast om og grunngjevast i søknaden. Opplysningar kan bli offentleggjorde sjølv om du har bedt om ikkje å bli oppført på søkjarlista. Du vert varsla om reservasjonen ikkje vert tatt til følge, jf. Lov om rett til innsyn i dokument i offentleg verksemd (offentleglova), § 25. Den som vert tilsett må rette seg etter dei til ei kvar tid gjeldande lover og avtalar for tilsette i staten.