Regionsjef for eltryggleik Vest-Noreg

Vi søkjer deg som kan vere med og utvikle DSB si rolle som nasjonal eltryggleiksstyresmakt, i takt med den auka bruken av elektrisitet og ny teknologi i samfunnet. Du er strategisk og innovativ, og tek ei aktiv rolle i å vidareutvikle tilsynsmetodikken vår og den vidare digitaliseringa av tilsyn. Du er ein god relasjonsbyggjar og dyktig informasjonsformidlar, som bidreg til at DSB er ei relevant, tydeleg og synleg styresmakt.  

Ansvarsområde og arbeidsoppgåver

• koordinere arbeidet med eltryggleik i region Vest-Noreg 
• ansvar for planlegging, gjennomføring og evaluering av tilsynsporteføljen i regionen
• gjennomføre tilsyn
• bidra til vidareutvikling av tilsynsmetodikken
• bidra til effektivisering og digitalisering innanfor eltryggleiksområdet
• syte for effektiv ressursutnytting gjennom personal-, budsjett-, og resultatansvar

Kvalifikasjonar

Det er krav om:

• relevant mastergrad. Bachelorgrad med særleg relevant erfaring kan kompensere for kravet til mastergrad.
• god skriftleg og munnleg framstillingsevne på norsk og engelsk 

Det er ønskjeleg med: 

• kunnskap om aktuelle lover, forskrifter og normer for elektriske anlegg
• erfaring med arbeid med tilsyn og/eller kvalitets- og risikostyring
• kjennskap til offentleg forvaltning
• leiarerfaring
  

Personlige eigenskapar

• analytisk og strukturert 
• strategisk, utviklings- og resultatorientert
• god relasjons- og nettverksbyggjar
• engasjert og tydeleg

Vi tilbyr

• svært godt og kompetent fagmiljø 
• allsidig stilling med utfordrande oppgåver og stor grad av påverknad innanfor fagområdet
• utoverretta rolle med stor kontaktflate
• fast stilling som regionsjef (stillingskode sjefingeniør 1088) med årsløn frå kr. 789.200 - 883.100 (ltr 79-83) i samsvar med kvalifikasjonar. For særleg kvalifiserte søkarar kan vi vurdere høgare lønstrinn. Frå løna blir det trekt 2% lovfesta innskot til Statens pensjonskasse.
• fleksibel arbeidstid og gode pensjons-, låne- og forsikringsordningar i Statens pensjonskasse 

Om seksjonen, regionen og stillinga:
DSB er nasjonal eltryggleiksstyresmakt og har ansvar for styresmaktsutøving gjennom regelverk og tilsyn.

Eltryggleiksseksjonen i DSB gjennomfører tilsyn med eltryggleik frå fem regionskontor i respektive  Oslo, Kristiansand, Bergen, Trondheim og Harstad. Seksjonssjef og medarbeidarar med fagansvar for ulike delar av eltryggleiksområdet er lokaliserte på DSB sitt hovudkontor i Tønsberg.

Stillinga som regionsjef for tilsynsregion Vest-Noreg rapporterer til leiar av Eltryggleiksseksjonen og inngår i leiargruppa i seksjonen. Region Vest-Noreg, med kontor i Bergen, omfattar fylka Vestland og delar av Rogaland. Regionen gjennomfører tilsyn med nettselskap, kraftprodusentar, industri og maritime anlegg.

Arbeidsoppgåvene vil vere gjennomføring av tilsyn, rettleie og informere, delta i ulike faglege fora, bidra til utvikling av seksjonen og oppgåver som ligg til det å ha personal-, budsjett, og resultatansvar for regionen.

Generelle opplysningar:

• I DSB meiner vi at mangfald vil auke kvaliteten på leveransane gjennom å opne for større kreativitet og fleire perspektiv inn i arbeidet. Det vil gje større legitimitet og aksept, fleire ressursar å spele på når det gjeld dialog med befolkninga, og det vil skape eit meir spanande og allsidig arbeidsmiljø. Vi legg arbeidstilhøva til rette når det er behov for det. Verdigrunnlaget vårt er å vere tillitsskapande, kompetent og ein lagspelar, og du må kjenne deg igjen i dette.
• Du må rekne med noko reiseverksemd.