Bygge-/prosjektleiar

Bygge-/prosjektleiar veg og anlegg

Eining for teknisk og informasjon i Kvam herad består av Kvam brann- og redning, Fellessekretariat og arkiv, FDV Bygg og Kommunalteknikk VAV. Eininga skal ivareta viktige oppgåver innan t.d. veg, vatn, bygg og beredskap. Kommunen har behov for teknisk personell innan drift og vedlikehald, samt til sanering eller rehabilitering/nybygging av infrastruktur innan veg og VA.

Me ynskjer å knyte til oss ein prosjektleiar/byggeleiar som kan gjennomføra større og mindre prosjekt innan vegutbetring og anleggsarbeid. Prosjektgjennomføring innan vatn- og avlaup kan også verta aktuelt.

 Stillinga er ledig frå nyttår 2021.

Arbeidsoppgåver

• Ansvarleg for kvalitet, framdrift, økonomi og HMS i tråd med prosjekt og prosjektbestilling
• Delta i utforming av tilbodsgrunnlag, og vera med i utlysings- og tildelingsfase
• Finna gode løysingar og ta avgjersler ut i frå økonomiske rammer, politiske vedtak og mål i prosjekta
• Ansvar for dokumentasjon før, under og etter prosjekta, samt evaluering
• Ansvar for rapportering, her under ansvar for å melda og avklara avvik med næraste overordna
• Det formelle ansvar i forhold til offentlege etatar, naboar og alle andre som vert råka av prosjektgjennomføringa
• Diverse sakshandsaming knytt til prosjekta, samt andre arbeidsoppgåver innanfor prosjektstyring eller drift vil kunne påreknast.

Kvalifikasjonar

Me søkjer etter ein kandidat med relevant bakgrunn innan anleggsarbeid eller vegbygging, gjerne med ingeniørutdanning.  Lang erfaring kan kompensera for manglande utdanning, Det er ynskjeleg med minimum 5-10 års erfaring som byggjeleiar, men anna relevant erfaring kan vega opp for dette.

• Fagutdanning innan veg eller anleggsarbeid
• God norskkunnskap,  muntleg og skriftleg
• Gode datakunnskapar. Oppdatert på nyare dataverktøy for tegningsunderlag, modellering, planlegging og prosjektoppfylging
• Oppdatert kunnskap om fagrelatert lovverk, tekniske forskrifter og norske standardar
• God kjennskap til Byggherreforskrifta

Me ser gjerne at du har desse personlege eigenskapane

• Svært gode samarbeids- og kommunikasjonsevner
• Kundeorientert og ein god relasjonsbyggjar
• Strukturert, faglig engasjert og tydeleg
• Proaktiv, løysningsorientert og forviten
• Du ynskjer ansvar og er svolten på å utvikla deg

Vi tilbyr

• Spanande og utfordrande arbeidsoppgåver
• Stor variasjon i arbeidsopgåver og høve til å vere med og forma stillinga
• Løns- og arbeidsvilkår i samsvar med gjeldande regulativ og lokalt lønnssystem
• Godt arbeidsmiljø
  
  Generell informasjon:
  Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.