Vi søker etter ein engasjert og utviklingsorientert leiar!

Vi søker leiar for inntak til vidaregåande opplæring

Du får jobbe med

• Å planlegge og dimensjonere tilbodet i vidaregåande opplæring
• Å administrere og gjennomføre inntaket til vidaregåande opplæring
• Saksbehandling og førebuing av saker til utdannings- og kompetanseutvalet
• Strategi- og utviklingsarbeid
• Økonomioppfølging
• Intern og ekstern informasjon

Vi søker deg som

• Har leiarerfaring, relevant høgare utdanning og god kjennskap til vidaregåande opplæring og skoledrift
• Har evne til å motivere, stille krav og gi tilbakemelding for å skape gode relasjonar og arbeidsglede
• Er utviklingsorientert, tydeleg og samlande
• Kan arbeide systematisk, målretta og sjølvstendig
• Har evne til å samarbeide internt og eksternt
• Har evne til munnleg og skriftleg saksframstilling

Vi tilbyr

• Ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• God tilgang til faglege nettverk og fagleg utvikling
• Offentleg pensjonsordning, gruppelivs- og ulykkesforsikring
• Løn etter avtale

Om arbeidsplassen

Stillinga som leiar for inntak har arbeidsstad i Molde, med kontorplass på Fylkeshuset.

Møre og Romsdal fylkeskommune gjennomførte ei omorganisering i 2019 der ansvaret for vidaregåande opplæring, fagskole og næringsutvikling blir samla i ei kompetanse- og næringsavdeling. Dei forventa synergiane av denne samanslåinga er å legge til rette for eit heilskapleg utdanningsløp som er tilpassa næringslivets framtidige behov og å styrke dei vidaregåande skolane sin pådrivarrolle for å utvikle robuste lokalsamfunn og regionar.

Kompetanse- og næringsavdelinga har det administrative skoleeigaransvaret for dei vidaregåande skolane i fylkeskommunen og for vidaregåande opplæring i bedrift og fagskole. Det er i dag 24 skolar og om lag 1300 godkjende lærebedrifter som gir tilbod innanfor ulike utdanningsprogram, fag og bransjar.

Inntak består av 9 tilsette. Arbeidsoppgåvene er hovudsakeleg knytt til å planlegge og gjennomføre inntaket til vidaregåande opplæring, særskilt tilrettelagt skoleskyss og statistikkarbeid.

Andre opplysningar

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss. Søkarlista kan bli offentleg sjølv om du ber om anonymitet. Du vil bli varsla om dette.