HR-sjef
Møre og Romsdal fylkeskommune
- Frist 26.10.2020
- Ansettelsesform Fast
Er du vår neste HR-sjef?
Vi søker HR-sjef
Møre og Romsdal fylkeskommune har utarbeidd ein ny og framtidsretta organisasjonsstrategi. Den er vår felles plattform for korleis vi som organisasjon skal løyse vårt samfunnsoppdrag best mogleg. HR-seksjonen i stab for organisasjon og tenesteutvikling er ein kompetent medspelar til forbetringsarbeid, organisasjonsutvikling og innovasjon. Staben er tett på fag- og tenesteområda og utviklar dei menneskelege ressursane gjennom eit verdiskapande samarbeid i ein lærande organisasjon. Til å leie HR-seksjonen søker vi ny HR-sjef.
Du får jobbe med
å følge opp den utøvande og overordna arbeidsgivarfunksjonen på vegne av fylkeskommunedirektøren. HR-sjefen er m.a. forhandlingsleiar for arbeidsgivar ved lokale lønsforhandlingar, arbeidsgivarrepresentant ved informasjons- og drøftingsmøte med arbeidstakarorganisasjonane og ved oppfølging av personal- og disiplinærsaker.
Leiarstøtte og leiar-, kompetanse- og organisasjonsutvikling forankra i organisasjonsstrategien er andre sentrale oppgåver. Stillinga krev tett kontakt med fylkeskommunedirektøren, organisasjonssjefen, leiarar på ulikt nivå i organisasjonen, hovudtillitsvalte og vernetenesta.
HR-sjefen må kunne arbeide både på organisasjons- og systemnivå, i tillegg til enkeltsaker. Stillinga inneber personalansvar for 6 tilsette i HR-seksjonen. Seksjonen inngår som ein av 4 seksjonar i stab for organisasjon og tenesteutvikling. HR-sjefen rapporterer til organisasjonssjefen.
Vi treng ein HR-sjef
som søker utfordringar, og som ønsker å utvikle seg sjølv og andre gjennom aktiv samhandling på arbeidsgivar- og organisasjonsområdet.
Kompetansekrav:
- relevant utdanning frå universitet eller høgskole
Det vil elles bli lagt vekt på :
- Menneske- og organisasjonsforståing, og evne til å etablere gode relasjonar
- Samhandlings- og prosessrettleiarkompetanse
- Saksbehandlings- og utredningskompetanse
- Evne til å arbeide systematisk og målretta
- Gode munnlege og skriftlege kommunikasjonsevner
- Erfaring frå arbeidsgivar- og organisasjonsområdet, og er HR-fagleg oppdatert
- Relevant leiarerfaring frå større organisasjonar
- Erfaring frå eller god kunnskap om offentleg forvaltning
Vi tilbyr
- Ei utfordrande leiarstilling i eit profesjonelt og sterkt fagmiljø
- God tilgang til faglege nettverk og fagleg utvikling
- Offentleg pensjonsordning, gruppelivs- og ulykkesforsikring
- Løn etter avtale
Tilsettinga er elles på fylkeskommunale vilkår og i tråd med gjeldande lover, avtalar og reglement.
Om arbeidsplassen
Stillinga har for tida arbeidsstad i Molde, med kontorplass på Fylkeshuset. Fylkeskommunen har arbeidstakarar i alle fylkets kommunar. Stab og fag- og tenesteområda er representert i arbeidslokaler både i Ålesund, Kristiansund og Molde. Noko reiseverksemd i fylket må påreknast.
Andre opplysningar
Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss. Søkarlista kan bli offentleg sjølv om du ber om anonymitet. Du vil bli varsla om dette før offentleggjering.
Om arbeidsgiveren
- Nettverk: Facebook, LinkedIn
- Sektor: Offentlig
- Lederkategori: Leder
- Sted: fylkeshuset, julsundvegen 9, 6412 Molde
- Bransje: HR, organisasjonsutvikling og rekruttering, Offentlig administrasjon
- Stillingsfunksjon: HR, personal og rekruttering, Ledelse
Nøkkelord
hr, personalarbeid, personaladministrasjon, ledelse
- FINN-kode 193465871
- Sist endret