Assisterande kompetanse- og næringsdirektør
Møre og Romsdal fylkeskommune
- Frist 26.10.2020
- Ansettelsesform Fast
Vi søker assisterande kompetanse- og næringsdirektør
Møre og Romsdal fylkeskommune gjennomførte ei omorganisering i 2019 der ansvaret for vidaregåande opplæring, fagskole og næringsutvikling blir samla i ei kompetanse- og næringsavdeling. Dei forventa synergiane av denne samanslåinga er å legge til rette for eit heilskapleg utdanningsløp som er tilpassa næringslivets framtidige behov og å styrke dei vidaregåande skolane sin pådrivarrolle for å utvikle robuste lokalsamfunn og regionar. Dette krev ei heilskapleg utvikling av kompetanse- og næringsområdet.
Møre og Romsdal fylkeskommune arbeider for ein organisasjonskultur som fremmar verdiskapande samarbeid, kompetansebygging og læring på tvers av fag og nivå. For å bidra til å realisere forventa synergiar søker vi no etter assisterande kompetanse- og næringsdirektør.
Assisterande kompetanse- og næringsdirektør
er nestleiar og har personalansvar for staben i kompetanse- og næringsavdelinga. Stillinga inngår i leiargruppa for avdelinga og rapporterer til kompetanse- og næringsdirektøren.
Som leiar for staben har assisterande kompetanse- og næringsdirektør særleg ansvar for desse oppgåvene innanfor nærings- og kompetanseområdet:
- Plan- og rapporteringsarbeid
- Overordna økonomiansvar
- Strategisk leiarstøtte i samarbeid med fylkeskommedirektørens stab:
- Legge til rette for strategisk utvikling og verksemdstyring
- Porteføljestyring
- Koordinering av politiske saker
- Koordinering av digitalisering
- HR internt i kompetanse- og næringsavdelinga
- Informasjon, kommunikasjon og publikasjonar
- Administrative funksjonar, innkjøp og programmering av skolebygg
Kompetanse- og næringsdirektøren si leiargruppe skal saman med medarbeidarane legge stor vekt på å skape nye synergiar gjennom tverrfagleg samskaping på tvers av etablerte strukturar innafor kompetanse- og næringsområdet.
Vi søker deg som
ønsker utfordringar, og som evner å utvikle seg sjølv og andre gjennom aktiv samhandling på kompetanse- og næringsområdet.
Dessutan blir det lagt vekt på at du har:
- Høgare utdanning
- Solid leiarerfaring, med dokumenterte resultat
- Prosessleiarerfaring frå gjennomførte endringar i/av organisasjonar
- Erfaring frå offentleg forvaltning
- Kunnskap om næringslivet i regionen og vidaregåande opplæring
- Erfaring med saksbehandling til folkevalde organ
- Erfaring med økonomioppfølging
- Erfaring med personaloppfølging og organisasjonsutvikling
I tillegg forventar vi at du:
- Er strategisk og analytisk med evne til å sjå komplekse samanhengar
- Skapar handlingsrom i spenningsfeltet mellom politikk og administrasjon
- Er strukturert og har stor arbeidskapasitet
- Er handlekraftig og innehar gjennomføringsevne
- Kan ta tydelege beslutningar og mobilisere medarbeidarane til innsats
- Utviklar gode relasjonar, etablerer nettverk og bygger tillit
- Har god skriftleg og munnleg kommunikasjonsevne
Vi tilbyr
- Ei utfordrande leiarstilling i eit arbeidsmiljø kjenneteikna av stor profesjonalitet og sterke fagmiljø
- God tilgang til faglege nettverk og fagleg utvikling
- Offentleg pensjonsordning, gruppelivs- og ulykkesforsikring
- Løn etter avtale
Tilsettinga er elles på fylkeskommunale vilkår og i tråd med gjeldande lover, avtalar og reglement.
Om arbeidsplassen
Stillinga har for tida arbeidsstad i Molde, med kontorplass på Fylkeshuset. Fylkeskommunen har arbeidstakarar i alle fylkets kommunar. Fag- og tenesteområda er representert i arbeidslokaler både i Ålesund, Kristiansund og Molde. Noko reiseverksemd må påreknast.
Andre opplysningar
Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss. Søkarlista kan bli offentleg sjølv om du ber om anonymitet. Du vil bli varsla om dette før offentleggjering.
Agenda Kaupang bistår Møre og Romsdal fylkeskommune i rekrutteringsprosessen.
Har du spørsmål om prosessen kan det tas kontakt med ein av desse i Agenda Kaupang:
Johan Lindgård
Tlf.: 915 16 726
Kjell Værnor
Tlf.: 958 80 655
Om arbeidsgiveren
- Nettverk: Facebook, LinkedIn
- Sektor: Offentlig
- Lederkategori: Leder
- Sted: fylkeshuset, julsundvegen 9, 6412 Molde
- Bransje: Offentlig administrasjon
- Stillingsfunksjon: Forretningsutvikling og strategi, Ledelse
Nøkkelord
ledelse, porteføljestyring, organisasjonsutvikling, virksomhetsstyring, næringsutvikling
- FINN-kode 193464121
- Sist endret