Vi søker etter næringssjef

Vi søker etter næringssjef

Møre og Romsdal fylkeskommune gjennomførte ei omorganisering i 2019 der ansvaret for vidaregåande opplæring, fagskole og næringsutvikling blir samla i ei kompetanse- og næringsavdeling. Dei forventa synergiane av denne samanslåinga er å legge til rette for eit heilskapleg utdanningsløp som er tilpassa næringslivets framtidige behov og å styrke dei vidaregåande skolane sin pådrivarrolle for å utvikle robuste lokalsamfunn og regionar. Dette krev ei heilskapleg utvikling av kompetanse- og næringsområdet.

Møre og Romsdal fylkeskommune arbeider for ein organisasjonskultur som fremmar verdiskapande samarbeid, kompetansebygging og læring på tvers av fag og nivå. For å bidra til å realisere forventa synergiar søker vi no etter næringssjef.

Arbeidsområda til næringssjefen

vil vere fag- og resultatansvar for fagområda som næringsseksjonen i kompetanse- og næringsavdelinga dekkjer, med personalansvar for leiarane på fagområda i seksjonen. Næringssjefen inngår i leiargruppa for avdelinga og rapporterer til kompetanse- og næringsdirektøren.

Næringssjefen har ansvar for desse fagområda:

• Opplæring i bedrift
• Energi og grøn omstilling
• Marin og naturressurs
• Internasjonalt arbeid
• Næringsutvikling, høgare utdanning og forsking

I tillegg gir næringsseksjonen administrativ støtte til fagskolestyret og rektor ved fagskolen i Møre og Romsdal. Kompetanse- og næringsdirektøren si leiargruppe skal saman med medarbeidarane legge stor vekt på å skape nye synergiar gjennom tverrfagleg samskaping på tvers av etablerte strukturar innafor kompetanse- og næringsområdet.

Vi søker ein næringssjef

som ønsker utfordringar, og som evner å utvikle seg sjølv og andre gjennom aktiv samhandling på kompetanse- og næringsområdet. Ved tilsetting vil det bli lagt vekt på at du har:

• Høgare relevant utdanning
• Solid leiarerfaring med dokumenterte resultat
• Prosessleiarerfaring frå gjennomførte endringar i/av organisasjonar
• Erfaring frå offentleg forvaltning eller god kunnskap om denne gjennom tett samhandling
• Kjennskap til relevante aktørar, nettverk og klyngesamarbeid som er viktig for nærings- og kompetanseutvikling i regionen
• Erfaring frå privat næringslivsverksemd eller god kunnskap om næringslivet gjennom tett samhandling med ulike næringar

I tillegg forventar vi at du:

• Er strategisk og analytisk og evner å sjå komplekse samanhengar
• Har evne til å sette deg inn i nye områder og tileigne deg ny kompetanse
• Er handlekraftig og innehar gjennomføringsevne
• Har arbeidskapasitet og evne til å takle stort tempo og komplekse samanhengar
• Kan ta tydelege beslutningar og mobilisere medarbeidarane til innsats
• Utviklar gode relasjonar, etablerer nettverk og bygger tillit
• Har god skriftleg og munnleg kommunikasjonsevne

Vi tilbyr

• Ei utfordrande leiarstilling i eit profesjonelt og sterkt fagmiljø
• God tilgang til faglege nettverk og fagleg utvikling
• Offentleg pensjonsordning, gruppelivs- og ulykkesforsikring
• Løn etter avtale

Tilsettinga er elles på fylkeskommunale vilkår og i tråd med gjeldande lover, avtaler og reglement.

Om arbeidsplassen

Stillinga har for tida arbeidsstad i Molde, med kontorplass på Fylkeshuset. Fylkeskommunen har arbeidstakarar i alle fylkets kommunar. Fag- og tenesteområda er representert i arbeidslokaler både i Ålesund, Kristiansund og Molde. Noko reiseverksemd må påreknast.

Andre opplysningar

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss. Søkarlista kan bli offentleg sjølv om du ber om anonymitet. Du vil bli varsla om dette før offentleggjering.

Agenda Kaupang bistår Møre og Romsdal fylkeskommune i rekrutteringsprosessen.

Har du spørsmål om prosessen kan det tas kontakt med ein av desse i Agenda Kaupang:

Johan Lindgård

tlf.: 915 16 726

Kjell Værnor

tlf.: 958 80 655