Undervisningsinspektør

Ved Bryne skule er det ledig fast stilling som undervisningsinspektør i 100% stilling frå 01.01.21. Du får vera med å leia ein skule som er oppteken av framgang i læring for alle elevar. Utviklingsområdet vårt er inkluderande læringsmiljø kor alle barn opplever fagleg og sosial meistring. Me har prosessar knytt til vår nye læreplan LK20 og ønskjer å ta i bruk handlingsrommet som ligg i denne. Me vil auke elevane sin motivasjon gjennom praktisk, relevant, utfordrande og variert undervisning. I dette arbeidet vil me bruka ulike læringsarenaer, der uteområdet og nærmiljøet skal vera aktivt i bruk.

Me har inngått partnarskapsavtale for praksisopplæring av lærarstudentar ved UIS. På denne måten sikrar me at me er oppdaterte på kva som skjer i lærarutdanninga, og me ser og dette som eit viktig tiltak for rekruttering av nye lærarar til skulen vår.

Du vil bli ein del av leiarteamet vårt saman med rektor, ass.rektor og ein undervisningsinspektør. Å vera leiar hos oss betyr at du får ansvar for å leia personalet si læring og utvikling for spesifikke trinn. For dette året er dette knytt til 5.-7. trinn. Stillinga omfattar 60% leiing og 40% undervisning, alt etter kva kompetanse du har.

Arbeidsoppgåver

• Ansvar for dagleg oppfølging og pedagogisk utviklingsarbeid på 5.-7. trinn.
• Praktisera nærværsleiing (leiarvandring)
• Timeplanar og ressursfordeling til trinna.
• Ansvar for å skaffe og følgje opp vikarar.
  
• Oppfølgingsansvar i forhold til overgang frå barneskule til ungdomsskule.
• Du fungerer i praksis som avdelingsleiar for avdelinga di, men har ikkje personalansvar.

Leiarteamet vil fordela andre oppgåver seg i mellom på bakgrunn av kompetanse og erfaring i skulen.

Saman skal me skapa ein trygg og framtidsretta skule på Bryne.

Kvalifikasjonar

Me søkjer ein leiar som har:

• Godkjent lærarutdanning minst 3 års undervisningserfaring i skulen.
• Det er ønskjeleg med leiarerfaring og vidareutdanning i skuleleiing( eller med ønskje om å ta dette)
• Utdanning eller god realkompetanse innan IKT-området, med særleg vekt på pedagogisk bruk av lærebrett i undervisninga.
• Har gode norskkunnskaper både skriftleg og munnleg.

Personlege eigenskapar

Me søkjer ein leiar som: 

• Har eit inkluderande og positivt meneskesyn.
• Evner å vera tydeleg, demokratisk og sjølvstendig, trygg og modig.
  
• Har djup pedagogisk forståing og blikket retta mot skulen i framtida.
• Evner å vera med på å utvikle profesjonsfellesskapet, samarbeid og kultur.

Me tilbyr

• Eit leiarteam som er opptekne av å spela på lag og gjera kvarandre gode.
• Eit kollegium som er opptekne av å finna løysingar saman.
• Eit kollegium med god trivsel og mykje humor.
• Eit kollegium med mangfald når det gjeld alder og kjønn.