Vil du vere med å utvikle grunnskulen i Alver?

Avdeling

Kvar dag gjer våre medarbeidarar i skulane ein viktig innsats for at elevane skal oppleve læring, trivsel og meistring i sosiale fellesskap. Vi har etablert system for kvalitetsutvikling og kultur for læring, og er i prosess med å utarbeide strategiar for satsingar retta mot barn og unge i kommunen. Strategiane vil ha fokus på helsefremjande og inkluderande barnehage- og skulemiljø, tverrfagleg samarbeid, fagfornyinga, organsiasjonsutvikling og digitalisering.   

Vi søkjer tenesteleiar for grunnskule som vil vere med å realisere dette i samarbeid med våre kompetente og dyktige leiarar og medarbeidarar ved 22 grunnskular og ei avdeling for vaksenopplæring.

Tenesteleiar for grunnskule rapporterer til kommunalsjef for oppvekst, og er med i kommunalsjefen si leiargruppe saman med tenesteleiarar for barnehage, PPT, helsestasjon- og jordmortenesta samt barnevern.
 

Kort om stillinga 

Det er no ledig 100 % stilling som tenesteleiar for grunnskulane i Alver kommune.

Vi treng ein person som har gode leiareigenskapar og fagleg tyngde, som har skulefagleg utdanning på høgskulenivå med kompetanse, og erfaring og preferanse for skulefagleg utviklingsarbeid, leiing, innovasjon og endring.

Arbeidsoppgåver

Som tenesteleiar vil du ha følgjande arbeidsoppgåver:

• Heilskapleg og strategisk ansvar (resultat, personal og økonomi) for tenesteområde grunnskule
• Næraste leiar for rektorane ved grunnskulane og vaksenopplæringa
• Følgje opp skulane gjennom etablert Kvalitetssystem i kommunen og ved dialog undervegs
• Delta i politiske og administrative prosessar, samt følgje opp politiske vedtak
• Planleggje, styre og gjennomføre utviklings- og omstillingsprosessar, i samarbeid med leiarar og stab oppvekst
• Initiere og delta i tverrfagleg samarbeid og utviklingsprosjekt retta mot barn og unge
• Sikre system og strukturar som er i samsvar med krav til internkontroll

Vi søkjer ein synleg, tydeleg og handlingsorientert leiar som fremjar utvikling, motivasjon, engasjement og samhandling både innafor eige tenesteområde og på tvers av tenesteområda. Vi er på jakt etter ein leiar som gjennom sine leiar- og relasjonelle eigenskaper bidrar til tillit både internt og eksternt, til kvalitet i opplæringstilbodet til elevane i kommmunen, eit godt arbeidsmiljø og eit tverrfagleg fokus i utviklingsarbeid. Det er ønskjeleg at tenesteleiar har grunnleggjande og framtidsretta digitale ferdigheiter.

Kompetansekrav

• Skulefagleg utdanning (høgskule/universitet), med relevant vidareutdanning i leiing (helst på masternivå)
• Relevant erfaring som leiar/tilsvarande stilling
• God kjennskap til offentleg forvaltning/lov- og avtaleverk
• God munnleg og skriftleg framstillingsevne
• God kjennskap til nyare forsking, teori og utgreiingar innafor utdanningsfeltet
• Resultatorientert med solid økonomiforståing

Vi tilbyr

Lønn- og tilsetjingsvilkår i samsvar med lov- og avtaleverk.

Godt arbeidsmiljø og eit aktivt fagmiljø der du kan vere med å utvikle kommunen sine tenester.

Engasjerte og dyktige medarbeidarar.

Søknad

Send  søknad via vårt elektroniske søknadssystem.

Dersom du har behov for hjelp med registrering av søknad, kontakt HR-avdelinga.