Leiar for DSBs anlegg i Hole kommune

Vi har ledig ei 100 % fast stilling som leiar for anlegget vårt i Hole kommune, med tiltreding så raskt som mogleg. 

Arbeidsoppgåver

• leiing og utvikling i tråd med overordna mål, strategiar og verdigrunnlag for DSB
• personalleiing for medarbeidarar på anlegget 
• god utnytting av ressursane i eininga, gjennom god organisering og etablering av naudsynte rutinar og prosessar
• ansvar for drift og administrasjon av anlegget inkludert budsjettering
• inngå i teknisk vaktordning
• ta hand om tryggleiken innanfor eige arbeidsområde 

Kvalifikasjonar

Det er krav om:

• relevant bachelorgrad først og fremst knytt til leiing, administrasjon og/eller ingeniørfag
• leiarerfaring med personalansvar frå relevant nivå
• erfaring frå drift av tekniske anlegg
• erfaring med internkontrollsystem og HMS
• erfaring med bruk av Office
• god munnleg og skriftleg framstillingsevne på norsk
• førarkort kl. B
• den som blir tilsett må vere tryggingsklarert før han eller ho byrjar

Det er ønskjeleg med:

• erfaring frå samfunnstryggleiks- og beredskapsarbeid
• kjennskap til Lov om nasjonal sikkerhet (sikkerhetsloven) og lov om offentlege anskaffingar
• erfaring med drift av aggregat, alarmsystem, VVS og bygningsmasse
• erfaring med bruk av DAK-program 
• god munnleg og skriftleg framstillingsevne på engelsk

Personlege eigenskapar

• trygg, tydeleg og nærverande i leiarrolla
• sjølvstendig, systematisk og ansvarsmedviten
• gode kommunikasjons- og samarbeidsevner
• lyst og evner til å involvere og skape resultat gjennom andre
• evne til å skape eit positivt arbeidsmiljø

Vi tilbyr

• fleksibel arbeidstid og gode pensjons-, låne- og forsikringsordningar i Statens pensjonskasse
• fast stilling som leiar for anlegget vårt i Holde kommune (løn som avdelingsleiar, stillingskode 1407). Årsløn frå 615.900 - 667.200 (ltr. 68-72). For særleg kvalifiserte søkjarar kan ein vurdere høgare lønn. Det blir trekt 2 % lovfesta innskot til Statens pensjonskasse. 

Om stillinga

Som leiar for vårt anlegg i Hole kommune vil du få overordna ansvar for drifta av anlegget, samt dagleg leiing og oppfølging av vakt, drift- og vedlikehaldspersonell. du rapporterer til stabssjef Sivilforsvaret. Du vil få ansvar for eit team med engasjerte og dyktige medarbeidarar, der medvit om tryggleik er svært viktig.

Vi ser etter deg som er samfunnsengasjert og oppteken av samfunnstryggleik. Du må ha relevant kompetanse, vere teknisk og praktisk, ha leiarerfaring og erfaring frå drift av bygningsmasse og store tekniske anlegg. For tida vil du inngå i heimevaktordning med eiga godtgjering.

Vi ser etter deg som er ansvarsmedviten og påliteleg, og arbeider godt sjølvstendig, samstundes som du likar å jobbe i team. Du må ha god haldning til HMS og vere ein positiv bidragsytar til arbeidsmiljøet. Stillinga krev at du er fysisk skikka til å gjennomføre praktiske vedlikehaldsoppgåver. 
 
Generelle opplysningar
I DSB meiner vi at mangfald vil auke kvaliteten på leveransane gjennom å opne for større kreativitet og fleire perspektiv inn i arbeidet. Det vil gje større legitimitet og aksept, fleire ressursar å spele på når det gjeld dialog med befolkninga, og det vil skape eit meir spanande og allsidig arbeidsmiljø. Vi legg arbeidstilhøva til rette når det er behov for det. Verdigrunnlaget vårt er å vere tillitsskapande, kompetent og ein lagspelar, og du må kjenne deg igjen i dette.