Nye leiarstillingar innanfor lønnsområdet

Vil du bidra til å effektivisere lønnstenestene i staten? Då har vi stillinga for deg. Lønnsdivisjonen i DFØ veks og treng leiarar til to nye stillingar.

Lønnsdivisjonen har ansvar for å levere lønnstenester til andre statlege verksemder ved bruk av mellom anna SAP-HR. I dag nyttar vel 87 prosent av alle statlege verksemder denne løysinga. Kvart år leverer vi lønnstenester til over 200 000 lønns- og honorarmottakarar. Frå i år vil vi òg tilby systemløysingar innanfor HR. Vi er langt framme i bruk av ny teknologi, og har samla eit av Nordens mest kompetente fagmiljø med over 200 medarbeidarar i lyse og moderne lokale i Stavanger sentrum.

Vi har eit sterkt fagmiljø som arbeider med driftsrelaterte oppgåver, fagrettleiarar og applikasjonskonsulentar som bidreg til å drifte og vidareutvikle løysingane våre. SAP-HR ligg i botnen av alt vi gjer, men vi har også integrert andre løysingar og arbeider såleis med fleire teknologiar og flater.

I DFØ Stavanger får du arbeide i eit uformelt miljø der deling av kunnskap og kompetanse er ein føresetnad for å lykkast saman. DFØ er i stadig utvikling, og det fører til spennande oppgåver og gode høve til utvikling for medarbeidarane våre.

For å føra vidare utviklinga av lønnstenestene blir avdeling lønnsutbetaling, rapportering og refusjon delte i to seksjonar, ein for produksjonssetting og ein for  produksjon. Kvar av desse seksjonane får nye seksjonssjefar som rapporterer til avdelingsdirektøren. Seksjonane er venta å få mellom 15 og 20 medarbeidarar.

Seksjon set saman lønnsfiler for bank og rekneskap, rapporterer inntekt og pensjonsgrunnlag til Skatteetaten og Statens pensjonskasse og krev inn NAV-refusjon på vegne av kundar som har bestilt denne tenesta. Seksjonen leverer ressursar til ulike prosjekt både ut mot kundar og internt. Prosessansvar og applikasjonsstøtte ligg også under seksjonen sitt ansvarsområde.

Ansvar og arbeidsoppgåver

Du skal:

• leia seksjonen i samsvar med budsjett og vedtekne prosessar og med fokus på gode leveransar og sikker drift som avtalt med kundane
• følge opp kundar og bidra i møter med eksisterande og potensielle kundar
• være pådrivar i standardiserings-, digitaliserings- og utviklingsarbeidet innan områda lønnsutbetaling, rapportering og refusjon, med særleg vekt på prosessoptimalisering og applikasjonsstøtte
• samarbeide effektivt med andre einingar i DFØ
• ha personalansvar for og ansvar for vidareutvikling av medarbeidarane i seksjonen

Seksjon set saman lønnsfiler for bank og rekneskap, rapporterer inntekt og pensjonsgrunnlag til Skatteetaten og Statens pensjonskasse og krev inn NAV-refusjon på vegne av kundar som har bestilt denne tenesta. Seksjonen leverer ressursar til ulike prosjekt både ut mot kundar og internt. Ansvar for årleg køyreplan er lagt til denne seksjonen.

Ansvar og arbeidsoppgåver

Du skal:

• leia seksjonen i samsvar med budsjett og vedtekne prosessar og med fokus på gode leveransar og sikker drift som avtalt med kundane
• følge opp kundar og bidra i møter med eksisterande og potensielle kundar
• være pådrivar i standardiserings-, digitaliserings- og utviklingsarbeidet innan områda lønnsutbetaling, rapportering og refusjon, med særleg vekt på effektivisering
• samarbeide effektivt med andre einingar i DFØ
• ha personalansvar for og ansvar for vidareutvikling av medarbeidarane i seksjonen

Kvalifikasjonskrav

Du har:

• utdanning på universitets- eller høgskulenivå, helst innan administrasjon, rekneskap og økonomi
• erfaring med prosessar og prosjekt som gjerne inkluderer systemutvikling
• erfaring med SAP-HR

Dugleik og personlege eigenskapar

Du er:

• dedikert, flink til å motivere og å bygge relasjonar og har gjerne leiarerfaring
• godt kjend i teknologilandskap og forstår korleis prosessar heng saman teknisk, og med menneske og organisasjon
• tydeleg i skriftleg og munnleg kommunikasjon på norsk og engelsk
• strukturert og sjølvstendig i arbeidet ditt og har god økonomi- og forretningsforståing
• kvalitetsbevisst og effektiv

Du må like å arbeide i ein kompleks organisasjon og vere ein pådrivar for å skape gode resultat og eit attraktivt arbeidsmiljø. Du tek ansvar, har høg fagleg integritet og er lojal. Du forstår detaljane i arbeidsoppgåvene til seksjonen og utfordrar prosessar for å skape betre løysingar på tvers av fagfelt.

Du er konstruktiv, har ei positiv haldning og er løysingsorientert både i dialog med kundar og i interne samarbeidsdiskusjonar. Du klarer å ha mange ballar i lufta samtidig og tek dei rette vala når arbeidsoppgåver skal prioriterast.

Vi ønskjer oss ein initiativrik person som brenn for å levere driftsoppgåver med god kvalitet til rett tid, og som samtidig er ein pådrivar for å utnytte moglegheitene som digitalisering og teknologi gir oss. Du trivst i eit uformelt miljø og bidreg til ein fagleg delingskultur og samarbeider på tvers av fagfelt. Gode samarbeids- og kommunikasjonsevner er derfor ein føresetnad. Det er òg viktig at du klarer å sjå samanhengen og heilskapen i eit landskap med mange komplekse detaljar.

Som vår nye seksjonssjef vil du få spennande oppgåver i ei eining i vekst. Vi tilbyr fleksibel arbeidstid, gode sosiale ordningar, høve til vidareutdanning og ei god pensjonsordning gjennom Statens pensjonskasse. Kontoret har tradisjon for å gjennomføre ei rekkje sosiale aktivitetar som bidreg til eit godt og stabilt arbeidsmiljø.

Stillinga vil bli plassert som seksjonssjef med lønn mellom 640 200 og 813 400 kroner per år, avhengig av kompetanse og erfaring. Frå lønna blir det trekt 2 prosent til Statens pensjonskasse.

Ved tilsetjing er det seks månaders prøvetid. Den som får tilbod om stillinga, må leggje fram ein utvida politiattest.

DFØ legg vekt på mangfald, og vi oppmodar derfor alle til å søkje jobb, uavhengig av alder, kjønn, funksjonsevne, nasjonal eller etnisk bakgrunn. Du er velkommen til å søkje sjølv om du ikkje kan vise til ein samanhengande yrkeskarriere. Lokala våre er universelt utforma, og vi legg til rette for personar med nedsett funksjonsevne.

Dersom du vil vita meir om stillingane, kan du ta kontakt med avdelingsdirektør lønnsutbetaling, rapportering og refusjon Kurt Harald Aase på telefon 909 21 315.

Meir informasjon om DFØ finn du på heimesida vår www.dfo.no.

Alle som søkjer stillinga, må gjere det elektronisk via rekrutteringsportalen Jobbnorge. Vitnemål og attestar, som du må leggje ved søknaden, kan du hente direkte frå vitnemålsportalen til Jobbnorge. Dersom du har utdanning frå utlandet, tilrår vi å leggje ved ei autorisert omsetjing av vitnemål og godkjenning frå NOKUT.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste.