Seksjonsleiar

Klinikk for Sikkerheitspsykiatri består av fire seksjonar. Regional sikkerheitsavdeling, Lokal sikkerheitsavdeling, Seksjon for fengselshelseteneste, og eit regionalt kompetansesenter for sikkerheits, fengsels- og rettspsykiatri. Ansvaret vårt er å behandle pasientar lokalt frå Helse Bergen HF og frå Helseregion vest. Pasientar som blir innlagd ved sengepostane er underlagd tvungen psykisk helsevern etter § 3.3/ 3,2 i lov om psykisk helsevern eller dom til behandling etter §5.2 i lov om psykisk helsevern.
Ei anna sentral oppgåve er judisielle døgnobservasjonar etter straffeprosesslova §167, etter oppdrag frå domstol og sakkyndige.

Vårt samfunnsoppdrag er å gje behandling til alvorleg sinnslidande pasientar, som i tillegg treng høgt tryggleiksnivå for å verne samfunnet. Å finne ei optimal balanse mellom tryggleik og behandling for pasient, personalet og samfunnet for øvrig, er ei av våre viktigaste oppgåver. Målet vårt er å gje alle pasientane anledning til auka meistring i ulike fasar av sin sjukdom, samstundes som vi tar omsyn til samfunnets trong til tryggleik.

Sentrale oppgåver er å vurdere og handtere valdsrisiko og samstundes gi omsorg og behandling. Dette gjer vi gjennom fysisk utforming av sengepost, høg kompetanse og klare rutinar. Kvar pasient har ei tverrfagleg primærgruppe kor miljøpersonell, psykiater/ psykolog, ergoterapeut, aktivitør og sosionom arbeidar saman om å balansere mellom utvikling for pasienten og tryggleik for alle.

Regional sikkerheitsavdeling er i avdeling som tar imot og behandlar pasientar i frå Helse vest. 

Arbeidsoppgåver

• Overordna ansvar for god drift av sengeposten
• Overordna sjukepleiefagleg ansvar
• Kvalitetsarbeid i samarbeid med avdelingsoverlege
• Personalansvar
• Budsjett
• HMS-ansvar
• Ansvar for arbeidstidsplanlegging

Kvalifikasjonar

• Relevant erfaring innan psykisk helsevern
• Ønskjeleg med erfaring innan sikkerheitspsykiatri
• Relevant vidareutdanning innan administrasjon og leiing er ønskjeleg
  
• Leiarerfaring er nødvendig 
• Må meistre norsk godt skriftleg og munnleg
• Bachelor innan sjukepleie eller vernepleie

Personlege eigenskapar

• Du arbeider strukturert og målretta
• Du kommuniserer godt med dei fleste rundt deg
• Du er opptatt av samarbeid og og blir sett på som en bidragsytar i samarbeid med andre
• Du er lojal til vedtekne avgjerder og opptatt av gode arbeidstilhøve
• Du er løysingsorientert og trivast med varierte utfordringar

Vi tilbyr

• Fagleg og personleg utvikling
• Triveleg arbeidsmiljø
• 15000 kroner pr år i særtillegg
• Medlemskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring
• Ein arbeidsplass som er ei inkluderande arbeidsliv-bedrift (IA-bedrift)
• Lønn etter avtale