Kommunalsjef helse og omsorg

Etne kommune har etablert ei heilt ny og dynamisk leiargruppa, og søkjer nå etter kommunalsjef helse og omsorg i ein nyoppretta 100 % fast stilling. Du vil få ei sentral rolle i utviklinga av kommunen og vera ein aktiv bidragsytar i kommunedirektøren si leiargruppa. Saman med våre dyktige og engasjerte medarbeidarar skal vi styrka og vidareutvikla Etne kommune
 
Vi søkjer etter ein handlekraftig og tillitsbyggjande toppleiar som skal visa veg i helse- og omsorgssektoren. Kommunalsjefen har eit heilskapleg leiaransvar, med økonomiansvar, personalansvar, fagansvar og utviklingsansvar.

Det er til saman 185 tilsette i heile sektoren, fordelt på 129 årsverk. Den som vert tilsett vil få ansvar for styring av eit budsjett på 120 Mill.

Arbeidsoppgåver

• Jobba saman med kommunedirektøren i overordna planlegging og strategi
• Overordna økonomi- og budsjettansvar for sektoren
• Samordning og koordinering av tenestene/oppgåvene som ligg til einingane i helse og omsorg
• Styra utviklingsprosjekt innan helse og omsorg
• Vera drivar for innovativ tjenesteutvikling i sektoren, der teknologi og nye arbeidsmåtar er avgjerande
• Ansvar for sakshandsaming og iverksetjing av politiske vedtak som høyrer til ansvarsområda for sektoren
• Særleg ansvar for oppfølging av einingsleiarane i sektoren, leggja til rette for og følgja opp fag- og kvalitetsutvikling
• Ansvar for interkommunalt samarbeid som ligg til sektoren 

Kvalifikasjonar

• Du har utdanning frå universitet eller høgskule, gjerne med helsefagleg kompetanse
• Grundig innsikt og erfaring med økonomi- og verksemdstyring
• Leiarfaring med personalansvar og turnusplanlegging, helst frå helsesektoren
• Vi ser helst at du har kjennskap til offentleg verksemd
• Gode munnlege og skriftlege norskkunnskapar. Tenestemålet i Etne er nynorsk