Ynskjer du å bidra til at Bømlo kommune blir endå meir attraktiv og framtidsretta?

Bømlo kommune har eit unikt fortrinn i form av eit fantastisk kystlandskap, som me ynskjer skal nyttast til ei berekraftig samfunns- og næringsutvikling til beste for innbyggjarane og miljøet. Me er opptekne av å gjere kommunen endå meir attraktiv for unge i etableringsfasen, og leggje til rette for eit fortsatt differenisert, berekraftig og nyskapande næringsliv.

Me søkjer ein erfaren leiar, som kan leia kommunen vidare gjennom tydeleg samfunnsutvikling, berekraftig økonomistyring, effektiv og serviceorientert tenesteyting. Den rette kandidaten må evna å byggja tillit, vise god rolleforståing og trivast i skjeringspunktet mellom politikk og administrasjon. Stillinga inneber at du må kunna leia eit breidt spekter av oppgåver, der evna til å leia endrings- og utviklingsprosessar står sentralt.

Arbeidsoppgaver:
• Vera ein pådrivar og tilretteleggjar for lokal og regional samfunnsutvikling
• Styra økonomi og drift på ein god og effektiv måte, som sikrar driftsbalanse og økonomisk handlingsrom
• Utarbeida gode grunnlag for politiske avgjerdsprosessar, iverksetja og følgja opp politiske vedtak
• Bidra til at me til ei kvar tid har rett organisering og fagleg kompetanse som er tilpassa arbeidsoppgåvene
• Vera engasjert og proaktiv i samspelet med næringsaktørar, innbyggjarane og andre samarbeidspartnarar
• Styrka omdømmet vårt som ein attraktiv kommune for næringsutvikling, busetting, oppvekst og turisme

Ynskja kvalifikasjonar:
• Solid leiarkompetanse, relevant høgare utdanning og erfaring frå endrings- og forbetringsprosessar
• Forståing for samfunns- og næringsutvikling og grensesnitta mellom politikk og administrasjon
• Tydeleg leiar med god økonomiforståing som evnar å samla organisasjonen mot felles mål
• Evne til heilskapleg refleksjon, orientert mot framtida og dyktig til ta å strategiske val ut frå dette
• Systematisk med god evne til å ta rett prioriteringar i forhold til tildelte rammer
• Tillitsskapande med god evne til samhandling og kommunikasjon

Me tilbyr:
• Ein spennande og krevjande toppleiarstilling med store moglegheitar til å påvirke
• Solid organisasjon med mange dyktige leiarar og medarbeidarar
• Løn etter avtale, gode forsikrings- og pensjonsordningar

Fram til søknadsfrist vil alle henvendingar bli behanda konfidensielt, om ynskjeleg også for oppdragsgjevar. I samsvar med Offentlighetslova §25 gjer me merksam på at opplysningar om søkjaren kan offentlegjerast sjølv om det er bedt om konfidensiell handsaming. Søkjar vil bli varsla dersom unntak fra offentlighet ikkje blir innvilga.

Spørsmål om stillinga kan rettast til Tom Monclair Larsen i Personalhuset Search & Selection tlf. 982 95 141 eller ordførar Sammy Olsen i Bømlo kommune tlf. 957 84 335.