Barnehagelærarar
Kvam herad
- Frist 10.3.2020
- Ansettelsesform Fast
Vil du verta vår nye barnehagelærar?
Me søkjer fagleg engasjerte barnehagelærarar med trygg relasjonskompetanse og gode samarbeidsevner.
Har du lyst til å jobba i eit lærande miljø med stort fokus på kvalitetsbarnehagar? Kvam er på jakt etter fleire gode barnehagelærarar som brenn for yrket sitt og har stort engasjement for barnehage og barn si utvikling. Me er opptekne av å møta morgondagens krav til å vera ein trygg inkluderande og lærande barnehage for alle.
Me tilbyr ei viktig og meiningsfull rolle i ein sektor det vert satsa mykje på. Me treng barnehagelærarar som vågar å tenkja nytt og innovativt samstundes som at dei er nærværande og trygge vaksne for det einskilde barn.
Alle dei fem barnehagane våre er i nye lokale i Strandebarm, Tørvikbygd, Norheimsund, Øystese og Ålvik. Har du særskilde ynske om arbeidsstad og stillingsstorleik er det viktig at du skriv di prioritering i søknaden. Skriv også om du ynskjer å vera pedagogisk leiar.
Vil du ha nye kollegaer som brenn for kvalitet i barnehagen, då må du søkje deg til Kvam!
Frå 3. august har me ledig både faste stillingar og vikariat som barnehagelærarar og pedagogiske leiarar.
Arbeidsoppgåver
- leia det pedagogiske arbeidet
- bruka utdanninga di ved å omsetja teoretisk kunnskap til praksis
- vera ein god og strukturert leiar
- tilretteleggja for eit godt pedagogisk tilbud for einskildbarn og i gruppe
- delta aktivt og dela av din kompetanse
- bidra til eit godt samarbeid med foreldre
- motivera og rettleia personalet
- pedagogisk leiar har eit ekstra leiar- og personalansvar og har personaloppfylging av dei næraste medarbeidarane gjennom å rettleia, involvera og motivera.
Kvalifikasjonar
- godkjent høgskule-utdanning som barnehagelærar og gjerne aktuell vidareutdanning
Personlege eigenskapar
- ha eit positivt barnesyn med fokus på meistring og livsglede for den einskilde
- vera profesjonell i møte med andre
- visa endringsvilje og dela kunnskap
- by på seg sjølve, visa fagleg engasjement og vera løysingsorienterte
- ha brukaren i fokus, både borna og foreldra
- samarbeida godt med andre og få fram det gode i seg sjølv og andre
- gode kommunikasjonsevner
- vera løysingsorientert
- brenna for barnehagefaget
Vi tilbyr
- ein interessant og utviklande jobb i godt og fagleg arbeidsmiljø
- nye barnehagebygg
- varierte arbeidsdagar med mykje livsglede og læring
- deltaking i vårt utviklingsarbeid med LP-modellen i Kvam
- delta i vår satsing "Leikbasert læring"
- rettleiing til nyutdanna
- pedagogisk leiartillegg - kr 34 000 per år i 1/1 stilling
- ein felles kursdag årleg for alle tilsette i alle barnehagar
- støtte til vidareutdanning
- løn etter gjeldande tariffavtale og lokalt lønssystem
- gode pensjons-/og forsikringsordningar
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Me ønskjer likevekt av begge kjønn og oppfordrar menn til å søkja. Kvam herad er ein inkluderande arbeidslivsbedrift (IA) og ønskjer å leggja til rette for personar med nedsett funksjonsevne.I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Ved ny tilsetjing skal den tilsette levera politiattest utan merknader, jfr. Barnehagelova §19, denne skal ikkje leggjast ved søknaden. Attesten må ikkje vera eldre enn 3 månader.
Om arbeidsgiveren
Kvam er inngangsporten frå Bergen for alle som ønskjer å oppleva Hardanger. Berre ein times køyring via Kvamskogen - eit område for aktiv fritid både sommar og vinter, ligg kommunen ved Hardangerfjorden. Me har eit variert næringsliv med jordbruk, industri og handel. Kopla med eit rikt kultur og organisasjonsliv gjev dette eit mangfaldig og levande samfunn for dei 8500 innbyggjarane våre. Me har eit godt utbygd skuletilbod med to vidaregåande skular. Norheimsund er regionsenteret i kommunen og vart i 2013 tildelt Statens pris for attraktiv stad . Her kan du oppleva bygda med bypuls , handlegate, strandveg og bystrand. Les meir
- Sektor: Offentlig
- Lederkategori: Fagleder
- Antall stillinger: 10
- Sted: 5600 Norheimsund
- Bransje: Barn, skole og undervisning
- Stillingsfunksjon: Pedagogisk leder
Nøkkelord
Pedagogisk, leiar, -, Barnehagelærar, -
- FINN-kode 171510294
- Sist endret