Utløpt

Vil du leie dyktige teknologar? Vi søkjer leiarar til nyoppretta seksjonar i patentavdelinga

Arbeidsgiver: Patentstyret
Stillingstittel: Seksjonssjef
Frist: 24.03.2020
Ansettelsesform: Fast

Patentstyret er det største kompetansesenteret i landet innan immaterielle rettar. Patentavdelinga har ansvaret for behandling av patentsøknadar i Noreg og tilbyr i tillegg tenester i tilknyting til patentrettar. Avdelinga har nyleg fått ny struktur og omfattar no ca. 100 medarbeidarar, deriblant 80 teknologar i tillegg til juristar og andre medarbeidarar.

Vi søkjer leiarar til to av våre nyoppretta seksjonar med dyktige teknologar. Seksjonane har begge ca. 15 tilsette. Stillingane rapporterer til avdelingsdirektør.

Du vil delta i leiargruppa i avdelinga og få ansvaret for at seksjonen varetek oppgåvene sine. Du vil også bidra til å utvikle tenestene våre og det samarbeidet Patentstyret har nasjonalt og internasjonalt. Du må trivast med å jobbe med menneske, kunne finne gode løysingar for å bruke ressursane våre optimalt, samt vidareutvikle medarbeidarar og system for å møte morgondagen sine behov.

Du vil leie teknologar med høg kompetanse og lang erfaring. Hovudoppgåva for medarbeidarane er å behandle patentsøknadar innan ulike tekniske fagområde. Dei har i tillegg andre oppgåver, frå interne aktivitetar som kvalitetsarbeid og prosessforbetring til eksterne oppgåver som å halde foredrag og å delta på konferansar.

Vi søkjer etter personar som kan jobbe både for eigne medarbeidarar og ut mot kundane våre. Kundane omfattar bl.a. oppfinnarar, bedrifter, patentrådgivarar, advokatar samt større konsern og FoU-institusjonar. Patentstyret har også mykje samarbeid med andre IPR-styresmakter, nasjonale aktørar og internasjonale organisasjonar, så du vil ha kontakt med dei. Vårt mål er at verksemdene får fleire gode patent og immaterielle rettar, og at dei utnyttar dei immaterielle verdiane sine betre.

Arbeidsoppgaver

Sikre drift og utvikling slik at seksjonen når avtalte mål for produksjon og kvalitet
Sikre formålstenleg oppgåvefordeling, organisering, kompetanse og bemanning
Leie og utvikle medarbeidarar i tråd med til Patentstyret sine leiingsprinsipp
Bidra til utvikling av heile avdelinga saman med dei andre seksjonssjefane
Vidareutvikle dei ulike områda og tenestene i eigen seksjon og avdeling
Andre oppgåver i tråd med avdelinga sine behov og etter avtale med avdelingsdirektøren
Bidra til godt samarbeid med interne og eksterne samarbeidspartnarar

Kvalifikasjoner

Du må minst ha Mastergrad/siv.ing. innan teknologi eller liknande område
Du må ha relevant leiarerfaring, alternativt minst fem års relevant erfaring med patent-/IPR-arbeid
Du må uttrykke deg godt skriftleg og munnleg på norsk og engelsk
Det er ein fordel om du kjenner IPR-behov hos bedrifter/gründerar/FoU-verksemder, og/eller har erfaring frå offentleg saksbehandling

Om arbeidsgiveren

Patentstyret er eit nasjonalt kompetansesenter for immaterielle rettar. Vi er direkte underlagt Nærings- og fiskeridepartementet.

Patentstyret hjelper næringslivet med å sikre verdiane som blir skapte gjennom nye produkt, innovasjon, forsking og utvikling. Vi behandlar søknader og tilbyr tenester i tilknyting til patent-, varemerke- og designrettar.Vi deltek i regionalt og internasjonalt samarbeid på immaterialrettsområdet, for å utvikle internasjonalt regelverk i tråd med norske interesser. Arbeidet vårt skal bidra til å betre konkurranseposisjonen til norske bedrifter og skape økonomisk vekst i det norske samfunnet. Vi er 250 medarbeidarar og held til i moderne lokale sentralt i Oslo.

Sektor: Offentlig
Lederkategori: Leder
Antall stillinger: 2
Sted: Sandakerveien 64, 0484 Oslo
Bransje: Annet
Stillingsfunksjon: Ledelse