Utløpt

Luster Sparebank søkjer Banksjef

Arbeidsgiver: Luster Sparebank
Stillingstittel: Banksjef
Frist: 15.03.2020
Ansettelsesform: Fast

Luster Sparebank er ein solid og offensiv bank. Banken er i vekst og har kundar over heile landet. Målsetjinga er å vere ein av dei leiande frittståande sparebankane i Sogn.

Noverande banksjef gjennom mange år går av med pensjon. Banken er difor på jakt etter ein etterfølgjar, som kan styrke og vidareutvikle Luster Sparebank sin posisjon i marknaden.

Banksjefen har det strategiske og operative ansvaret for å leie verksemda i høve til dei føresetnader og målsetjingar som styret i banken vedtek.

Luster Sparebank har hovudkontor i Gaupne og filial på Hafslo.

Krav til kompetanse/erfaring:

Høgare utdanning innan relevant fagområde.
Relevant arbeidserfaring, helst innan områda økonomi og organisasjonsutvikling.
Leiarerfaring, og eit ynskje om å utvikle deg som leiar.
Sterkt kundefokus og god marknadsforståing.
Kjennskap til, og forståing for, banksektoren sine krav i høve til lover, forskrifter og reglar.

Personlege eigenskapar

Inspirerande og open leiarstil, stor arbeidskapasitet, relasjonsskapande personlegdom, med vekt på god samhandling.
Dyktig nettverksbyggjar.
Tydeleg leiar med god sosial forståing og som er til stades i organisasjonen.
Gode kommunikasjonsevner.
Gode strategiske evner, med sterk operativ gjennomføringsevne.

Me tilbyr:

Høve til å leie ein spanande og sjølvstendig bank, som er i posisjon for vidare utvikling og vekst.
Ambisiøst arbeidsmiljø med gode høve til personleg og fagleg utvikling.
Ein fleksibel bank med rask og kort veg til avgjerder.
Konkurransedyktige vilkår.

Ved spørsmål om stillinga kan ein kontakte rekrutterarar,
Sigrid Anette Førde på tlf 400 21 567.
Daniel Dvergsdal på tlf: 400 21 564.

Søknaden vert handsama konfidensielt, også i høve til oppdragsgjevar dersom dette er ynskjeleg.
Aktuelle kandidatar vert kontakta for intervju fortløpande.

Du kan og kontakte styreleiar Bjarne Venjum på tlf 907 24 759.

Om arbeidsgiveren

Luster Sparebank vart skipa i 1848.
Dei tre lokale sparebankane Hafslo Sparebank, Luster Sparebank og Jostedal Sparebank vart samla til ein bank i 1975.

Dei tre sparebankane var alle samfunnsinstitusjonar med stor nytteverdi i si samtid. Med kommunesamanslåing først på 1960-talet var det naturleg å tenkja ein kommune, ein bank. Det tok likevel litt tid å finna saman for dei tre bankane. Men sett i ettertid er det ikkje tvil om fornufta i å samla kreftene i ein bank for heile Luster kommune.

Luster Sparebank inngår i eit samarbeid med åtte andre sparebankar. Via “De samarbeidende sparebanker” (DSS), skal Luster sparebank sikre konkurranseevne gjennom auka og formalisert samarbeid som gjeld felles innkjøp og standardisering.

Gjennom eigarskap i Norne Securities, Frende Forsikring, Brage Finans og VIPPS har banken eit utvida produkttilbod til eigne kundar.

Nettverk: Facebook, LinkedIn
Sektor: Privat
Lederkategori: Direktør
Sted: ØYAGATA 2, 6868 Gaupne
Bransje: Bank, finans og forsikring,; Økonomi og regnskap,; Organisasjoner
Stillingsfunksjon: Økonomi og regnskap / Økonomistyring og budsjettering,; Økonomi og regnskap,; Ledelse