Leiar for bemanningssentral

Har du lyst til å vere med å starte opp ny bemanningssentral i Bjørnafjorden kommune? Då er dette stillinga for deg! Som leiar får du ei spanande oppgåve med å bygge opp avdelinga, og mogelegheit til å påverke innhaldet i stillinga. 

Målet er at bemanningssentralen på sikt skal dekke behovet for ekstravakter i alle einingar i Bjørnafjorden kommune. I oppstartsfasen skal bemanningssentralen først og fremst dekke behovet for ekstravakter på Luranetunet bu- og behandlingssenter. Den første fasen vil vere ei pilotering, der etablering og utforming av bemanningssentralen står i fokus. I oppstartsfasen blir arbeidsplassen på Luranetunet, organisert under pleie og omsorg.

Arbeidsoppgåver
- utarbeide avtaler med organisasjonane
- utarbeide retningslinjer/rutinar for avdelinga
- personalansvar
- rekruttering
- utarbeide turnusar
- oppdekking av ledige vakter

Kvalifikasjonar
- Det er ein fordel med relevant helsefagleg høgskuleutdanning, men det er ikkje eit krav. Andre med relevant utdanning og erfaring vil bli vurdert.
- Det er ein fordel med leiarerfaring
- Du må ha erfaring og kompetanse på utarbeiding av turnus
- Det er ønskjeleg med erfaring frå turnusprogrammet ressursstyring, eller tilsvarande - Kunnskap om relevant avtale- og lovverk
- Du er systematisk og har god oversikt

Vi legg vekt på personlege eigenskapar
- Du er ein god relasjonsbyggar
- Du er løysingsfokusert og har gode kommunikasjons- og samarbeidsevner. Gode skriftlege og munnlege norskkunnskapar er eit krav.
- Du er nytenkande og endringsvillig.
- Du er trygg på deg sjølv og tåler å "stå i ein storm"

Vi tilbyr
- faglege og personlege utfordringar i eit godt og inspirerande arbeidsmiljø.
- arbeid i ei verksemd i utvikling, og moglegheit til å vere med å påverke.
- gode pensjons- og forsikringsordningar og løn etter avtale.

Vi arbeidar for å få etablert heiltidskultur i kommunen.

Slik søkjer du
Klikk på "søk på stilling" og følg vidare instruksjonar.