Spennande leiarstillingar innanfor lønnsområdet

Vil du bidra til å effektivisere lønnstenestene i staten? Då har vi stillinga for deg.

DFØ Stavanger veks, og i dei lyse og moderne lokala våre i Stavanger sentrum jobbar det no over 200 medarbeidarar i eit framoverlent miljø. Lønnsdivisjonen har ansvar for å levere lønnstenester til andre statlege verksemder ved bruk av mellom anna SAP-HR. I dag nyttar vel 87 prosent av alle statlege verksemder denne løysinga, og kvart år leverer vi lønnstenester til over 200 000 lønns- og honorarmottakarar. I 2020 vil vi òg tilby systemløysingar innanfor HR til statlege verksemder. Vi er langt framme i bruk av ny teknologi, og har samla eit av Nordens mest kompetente fagmiljø med over 200 medarbeidarar i lyse og moderne lokale i Stavanger sentrum.

Vi søkjer to seksjonssjefer til nyoppretta seksjonar. Du har ei utprega serviceinnstilling og har lyst å leie seksjon for kundetenester eller kompetansetenester. Vi har eit sterkt fagmiljø som arbeider med driftsrelaterte oppgåver, fagrettleiarar og applikasjonskonsulentar som bidreg til å drifte og vidareutvikle løysingane våre. SAP-HR ligg i botnen av alt vi gjer, men vi har også integrert andre løysingar og arbeider såleis med fleire teknologiar og flater.

Lønnsdivisjonen har mykje spennande på gang med funksjonsutvikling av DFØ-app og desktop. Vi jobbar også med å vidareutvikle RPA og chatbot, samt å utvikle integrasjonar og grensesnitt. Vi har ei matriseorganisering knytt til utvikling og prosjekt, og avdelinga bidreg med ressursar til fleire av desse initiativa. Ei av dei viktigaste oppgåvene til seksjonssjefen vil vere å balansere ressursbehova til drifts-, utviklings- og prosjektarbeidet ved å sikre at vi leverer i samsvar med avtalar med kundane. Samtidig er seksjonen ein pådrivar for moderne prosessar med brukarvennlege løysingar innanfor lønnsområdet.

I DFØ Stavanger får du jobbe i eit uformelt miljø der deling av kunnskap og kompetanse er ein føresetnad for å lykkast saman. DFØ er i stadig utvikling, og det fører til spennande oppgåver og gode høve til utvikling for medarbeidarane våre. For å føra vidare utviklinga av lønnstenestene blir avdelingane for kunde- og kompetansetenester delte i to seksjonar, respektive kundetenester og kompetansetenester. Seksjonssjef får personalansvar for omtrent 20 medarbeidarar og vil rapportere til avdelingsdirektør.

Seksjonen har, saman med Seksjon for kompetansetenester, ansvar for å vere 1.linje brukarstøtte og jobbar aktivt for at dei som tek kontakt skal få ei god brukaroppleving. Ansvaret for CRM systemet som Lønnsdivisjonen nyttar og e-læring ligg også i denne seksjonen. Seksjonen har blant annet ansvar for innhald i chat og har fleire AI trenarar. Dei tilsette har ein variert kvardag og seksjonen bidrar med ressursar inn i blant anna prosjekt, testing og kundemøter.

Ansvar og arbeidsoppgåver

Du skal:

• ha personalansvar for og ansvar for vidareutvikling av medarbeidarane i seksjonen
• sikre driftsleveranse i samsvar med avtale med kundane
• ha ei pådrivarrolle i standardiserings-, digitaliserings- og utviklingsarbeidet
• ha budsjettansvar for eigen seksjon
• følge opp kundar og bidra i møter med eksisterande og potensielle kundar
• bidra til å vidareutvikle seksjonen, avdelinga og divisjonen i samarbeid med avdelingsdirektøren og dei andre leiarane i lønnsdivisjonen
• samarbeide effektivt med andre einingar i DFØ
• vere ein pådrivar for god kundebehandling og jobbe for løysningar som kjem seksjon og kundar til gode

Seksjonen har, saman med Seksjon for kundetenester, ansvar for å vere 1.linje brukarstøtte og jobbar aktivt for at dei som tek kontakt skal få ei god brukaroppleving. Seksjonen er ansvarleg for drift av kurssenteret og ulike kundearrangement som blant anna fagdagar som vert arrangerte årleg. Dei tilsette har ein variert kvardag og seksjonen bidrar med ressursar inn i blant anna kurs, prosjekt, testing og kundemøter.

Ansvar og arbeidsoppgåver

Du skal:

• ha personalansvar for og ansvar for vidareutvikling av medarbeidarane i seksjonen
• sikre driftsleveranse i samsvar med avtale med kundane
• ha ei pådrivarrolle i standardiserings-, digitaliserings- og utviklingsarbeidet
• ha budsjettansvar for eigen seksjon
• følge opp kundar og bidra i møter med eksisterande og potensielle kundar
• bidra til å vidareutvikle seksjonen, avdelinga og divisjonen i samarbeid med avdelingsdirektøren og dei andre leiarane i lønnsdivisjonen
• samarbeide effektivt med andre einingar i DFØ
• vere ein pådrivar for god kundebehandling og jobbe for løysningar som kjem seksjon og kundar til gode
• sørge for at kurssenteret vert drifta og utvikla på ein god måte

Du har:

• utdanning på universitets- eller høgskulenivå
• relevant leiarerfaring, fortrinnsvis med personalansvar
• god skriftleg og munnleg framstillingsevne på norsk og engelsk
• god økonomi- og forretningsforståing
• god forståing av teknologilandskap og evne til å sjå korleis prosessar heng saman teknisk

I tillegg er det ønskjeleg at du har

• erfaring med prosessar og prosjekt som inkluderer systemutvikling
• erfaring med SAP-HR

Du må like å arbeide i ein kompleks organisasjon og vere ein pådrivar for å skape gode resultat og eit attraktivt arbeidsmiljø. Du tek ansvar, har høg fagleg integritet, og utfordrar prosessar for å skape betre løysingar på tvers av fagfelt. Du er konstruktiv, har ei positiv haldning og er løysingsorientert både i dialog med kundar og i interne samarbeidsdiskusjonar. Du klarer å ha mange ballar i lufta samtidig og tek dei rette vala når arbeidsoppgåver skal prioriterast.

Vi ønskjer oss ein initiativrik person som brenn for å levere driftsoppgåver med god kvalitet til rett tid, og som samtidig er ein pådrivar for å utnytte moglegheitene som digitalisering og teknologi gir oss. Du trivst i eit uformelt miljø og bidreg til ein fagleg delingskultur og samarbeider på tvers av fagfelt. Gode samarbeids- og kommunikasjonsevner er derfor ein føresetnad. Det er òg viktig at du klarer å sjå samanhengen og heilskapen i eit landskap med mange komplekse detaljar.

Som seksjonssjef vil du få spennande oppgåver i ei eining i vekst. Vi tilbyr fleksibel arbeidstid, gode sosiale ordningar, høve til vidareutdanning og ei god pensjonsordning gjennom Statens pensjonskasse. Kontoret har tradisjon for å gjennomføre ei rekkje sosiale aktivitetar som bidreg til eit godt og stabilt arbeidsmiljø.

Stillinga vil bli plassert som seksjonssjef med lønn mellom 640 200 og 813 400 kroner per år, avhengig av kompetanse og erfaring. Frå lønna blir det trekt 2 prosent til Statens pensjonskasse.

Ved tilsetjing er det seks månaders prøvetid. Den som får tilbod om stillinga, må leggje fram ein utvida politiattest.

DFØ legg vekt på mangfald, og vi oppfordrar derfor alle til å søkje jobb, uavhengig av alder, kjønn, funksjonsevne, nasjonal eller etnisk bakgrunn. Du er velkommen til å søkje sjølv om du ikkje kan vise til ein samanhengande yrkeskarriere. Lokala våre er universelt utforma, og vi legg til rette for personar med nedsett funksjonsevne.

Dersom du ønskjer ytterlegare informasjon om stillingane, kan du ta kontakt med avdelingsdirektør Anne Moen på telefon 992 37 759.

Meir informasjon om DFØ finn du på heimesida vår www.dfo.no.

Alle som søkjer stillinga, må gjere det elektronisk via rekrutteringsportalen Jobbnorge. Vitnemål og attestar, som du må leggje ved søknaden, kan du hente direkte frå vitnemålsportalen til Jobbnorge. Dersom du har utdanning frå utlandet, tilrår vi å leggje ved ei autorisert omsetjing av vitnemål og godkjenning frå NOKUT.