Avdelingsleiar for Avdeling psykisk helse og rus
- Arbeidsgiver
- Ål kommune
- Stillingstittel
- Avdelingsleiar
- Frist
- 15.12.2019
- Ansettelsesform
- Fast
Beskrivelse avdeling
Ål kommune har ledig ei 100 % stilling som avdelingsleiar for Avdeling psykisk helse og rus, der 50 % er direkte brukerretta arbeid.
Avdelinga gir tenester til alle aldersgrupper og har mange tilbod tilpassa ulike brukargrupper. Vi har godt etablert samarbeid med skular og barnehagar og er ein del av skulehelsetilbodet saman med helsestasjonen. Vi vektlegg førebygging, involvering av foreldre og nettverk og rask respons på alle førespurnader. Tenester til vaksne er tilpassa den enkelte og brukargruppa er frå dei med alvorleg psykisk sjukdom til personar som søkjer hjelp og støtte til å handtere ulike livskriser.
Kommunal psykisk helsehjelp er ei lågterskelteneste, der brukar sjølv kan ta kontakt for hjelp og som sjølv definerer sine hjelpebehov. Viktige samarbeidspartar er fastlege, spesialisttenesta, heimetenestene, Nav, arbeidsplass og sjølvsagt pårørande. Tenesteorganisering til barn og unge skal gjennomgåast og kan på sikt berøre innhaldet i stillinga.
Arbeidsoppgåver
Som avdelingsleiar vil du ha ansvar for leiing, økonomi- og ressursstyring, planlegging og utvikling av avdelinga.
Leiaren skal sikre ei god tenesteyting for brukarane og sørgje for gode og trygge arbeidsplassar for dei tilsette. Det skal leggast til rette for støtte og utvikling av medarbeidarar både individuelt og i grupper. Du vil møte ei tverrfagleg gruppe med mange års erfaring, som er godt kvalifiserte og som er vane med å arbeide sjølvstendig. Avdelinga treng ein tydeleg og samlande leiar, som sørger for at dei tilsette har ein trygg og forutsigbar arbeidsplass.
Andre oppgåver for stillinga:
Avdelinga og faget sin kontaktperson i kommunalt utviklingsarbeid og interkommunale nettverk
Bindeledd mellom kommune og spesialistteneta
Pådrivar for plan og utvilkingsarbeid for psykisk helsearbeid på alle nivå
Avdelingsleiar inngår i leiargruppa til kommunalsjef for helse- og omsorgssektoren.
Kvalifikasjonar
Vi ynskjer søkarar med høgare utdanning innan helse- og/eller sosialfag. Vidareutdanning/master innan psykisk helsearbeid og rus, samt leiarerfaring er en fordel, men ingen føresetnad. Du må like stor spennvidde i oppgåver, gjere raske omprioriteringar om akutte situasjonar krev det, vere fleksibel og finne raske og gode løysingar saman med medarbeiderane.
Me tilbyr
- støtte og opplæring til alle leiarar
- godt arbeidsmiljø
- dyktige medarbeidarar med høg fagkompetanse og lang erfaring
- løn etter avtale
Politiattest
Stillinga krev politiattest nyare enn tre mnd.
Send søknad
Bruk elektronisk søknadsskjema som ligg på Visma Enterprise - ledige stillingar.
- Sektor
- Offentlig
- Lederkategori
- Leder
- Sted
- Torget 1, 3570 Ål
- Bransje
- Helse og omsorg,
- Offentlig administrasjon
- Stillingsfunksjon
- Helsepersonell,
- Ledelse
Spørsmål om stillingen
- Kontaktperson
- Borghild Ulshagen
- Stillingstittel
- Kommunalsjef Helse- og omsorgssektoren
- Mobil
- 99 28 78 98
Torget 1, 3570 Ål